Бриселскиот аеродром затворен поради протести

Протестите низ Белгија поради зголемените трошоци за живот го натераа бриселскиот аеродром да ги запре полетувањата во понеделник и автобуските линии привремено да бидат прекинати.

Аеродромот во Брисел соопшти дека не може да дозволи полетување на патнички летови бидејќи индустриската акција се прошири и на безбедносниот персонал. Локалниот јавен превоз имаше минимални услуги.

Штрајковите на синдикатот се проширија на персоналот за безбедност на аеродромот, објаснија властите, во услови на рекордна инфлација од дури 9%, предводена од растот на цените на енергијата и храната.

Сепак, премиерот Александар Де Кро тврди дека белгиските работници се заштитени од најновото зголемување на потрошувачките цени бидејќи нивните плати се индексирани според инфлацијата. Де Кро, исто така, потврди дека владата ги продолжила намалувањата на даноците на продажба на енергетските производи до крајот на 2022 година.

Тој изјави за јавната телевизија РТБФ дека владата ги продолжила мерките за намалување на данокот на промет на гас, електрична енергија и гориво до крајот на годината.

Share on Facebook

Tweet

Follow us

Save