Објавено на:

Бугарскиот амбасадор во Тирана: Наскоро очекуваме конкретни резултати од преговорите меѓу Скопје и Софија

t

Бугарија и Северна Македонија водат интензивни разговори и наскоро се очекува работните групи да постигнат конкретни резултати, изјави денеска бугарскиот амбасадор во Тирана, Момчил Рајчевски за време на посетата на Корча.

– Ние сме во период на многу интензивни разговори со Северна Македонија. Новата бугарска влада формираше 10 работни групи кои работат за заеднички интерес и очекуваме наскоро да постигнат конкретни резултати. Претседателот Мета беше во официјална посета на Софија каде што бугарскиот претседател ја истакна безусловната поддршка на Бугарија за интеграцијата на Република Албанија, изјави Рајчевски, во одговор на новинарско прашање дали Бугарија ја поддржува интеграцијата на Северна Македонија и Албанија во ЕУ.


Дипломатскиот претставник на Софија во Тирана, посочи дека неговата земја била и ќе остане еден од најактивните поддржувачи на европското проширување.

Тој не сакаше да ја коментира најавата на премиерот Еди Рама дека Албанија од ЕУ ќе побара одвојување од Северна Македонија во интегративниот процес.

– Што ќе бара Албанија е одлука на Република Албанија. Не можам да коментирам кога станува збор за условите, но повторно велам дека Албанија си ја заврши својата работата, рече бугарскиот амбасадор.

На прашањето дали со оглед на војна во Украина, ЕУ треба да направи повеќе за Западниот Балкан, Рајчевски рече дека Унијата веќе прави многу, но смета дека „најважно во моментов е сите да се фокусираат на завршување на војната”.

Амбасадорот Рајчевски беше во поста на Универзитетот „Фан С. Ноли” во Корча заедно со делегација составена од раководители и професори на бугарските универзитети.

Извор: МИА

ПОВРЗАНИ ВЕСТИ

Утврдена делегацијата за стратешки дијалог со САД:…

Владата на Република Македонија на денешната 45-та…

Прекинати преговорите меѓу Русија и Украина

Мировните преговори меѓу Москва и Киев во…

Извршен увид на македонско-грчката граница каде беше…

Јавен обвинител од Основното јавно обвинителство Гевгелија…

Ниту едно лице не почина од коронавирус…

Согласно податоците од Институтот за јавно здравје,…

СПМ: Поднесовме нова иницијатива до Собранието за…

Синдикатот на Полиција во Македонија до јавноста…