Вашингтон: Не вршиме притисок за примирје врз Киев

Вашингтон нема да врши притисок врз Киев и да ги диктира условите на примирјето, изјави координаторот за стратешки комуникации на Белата куќа Џон Кирби.
„Дефинитивно нема да ги диктираме овие услови“, рече тој на прашањето за условите за завршување на конфликтот.
Портпаролот на Белата куќа додаде дека САД им оставаат на Владимир Зеленски и на украинскиот народ да одлучат како и кога ќе заврши конфликтот, како и условите за мировните преговори.

Како што изјави украинскиот министер за финансии Сергеј Марченко, западните партнери на Киев се уморни од конфликтот и се чувствува „голема слабост“ во нивниот став.

Блумберг, исто така, напиша во средината на ноември дека како што конфронтацијата се одолговлекува, „некогаш широката поддршка за Украина покажува пукнатини“.
Москва постојано укажуваше дека е подготвена за преговори, но Киев ги забрани на законодавно ниво. Како што нагласи Кремљ, ситуацијата може да се придвижи во мирна насока само земајќи ги предвид новите територијални реалности.

Дебата во Вашингтон

Американскиот претседател Џо Бајден побара од Конгресот околу 106 милијарди долари за помош на Украина и Израел, како и за акции во азиско-пацифичкиот регион, за новата фискална година која започнува на 1 октомври.

Барањето мора да биде одобрено од двата дома на Конгресот. Според NBC News, Демократската и Републиканската партија се обиделе да ги усогласат ставовите, но преговорите не успеале. Тие не беа во можност да се договорат за републиканското барање за заострување на законите за имиграција.
Во меѓувреме, парите што претходно беа доделени за помош на Киев се при крај, признаа администрацијата, поради што се намалуваат пакетите со оружје испратени во Украина.
Доколку Конгресот не успее сега да постигне договор, тоа ќе треба да се направи по божиќните празници. Сенатот ќе продолжи со работа на 8 јануари, а Претставничкиот дом следниот ден.

Share on Facebook

Tweet

Follow us

Save