INFOMAX.MK

Во денешната епизода на “Наше Скопје” градоначалничката на Град Скопје, Данела Арсовска истакна дека Градот отпочнал голем број инфраструктурни прокти од кои еден дел се во надлежност на градот, но тие помагаат и за проектите кои се во налдежност на општините преку договори за меѓуопштинска соработка.

“Дел од проектите се со меѓуопштинска соработка. Склучуваме договори за соработка, последната е во Ѓорче Петров, а ова е нов пристап на санирање на проблеми од насеелни места таму кои градоначалникот ги детектирал, а не биле средени повеќе од 30 години. Таму се асфалтираат голем број на учици, во Ново Село и Даме Груев, се асфалтираат 20-30 улици таму како дел од “Ѓорче без кал”.

Исто така имаме договор со Бутал, улицата “Скоевска” се реконструира после 30 години, улицата е во многу лоша состојба. Перо Наков исто така беше истакнувана како една од клучните делници кои треба да се реконструираат, граѓаните секојдневно реагираат.

Љубљанска е проект кој можам да кажам со гордост дека решивме голем број проблеми со експропријација за рекордно време, ние пристапивме активно кон тоа. Исчистивме еден цел дел од трасата од брегот на Вардар до излезот на Илинденска, сега работиме на другата страна кај Момин Поток и наскоро ќе има отпочнување на работата таму.” – објасни Арсовска.