INFOMAX.MK

Премиерот на Косово Аљбин Курти кажа дека 1 септември останува рокот од кога ќе се применува одлуката за пререгистрација на табличките на северот на Косово и Метохија.

Тој истакна дека „никој не може да ги спречи специјалните полициски сили да одат на северот“.

Додаде дека, ако биде нарушена безбедносната ситуација на северот, ќе реагираат косовските институции.

„Вчера се сретнав со командантот на Кфор, со нашата полиција и со Еулекс. Барикадите не се решение. Постојат државни механизми кои ќе реагираат, не само полицијата туку и специјалните полициски сили, и никој не може да ја сопре специјалната полиција да оди на север. Северот на Косово е дел од Косово, се наоѓа на Косово и никогаш немало повеќе владеење на правото на северот на Косово од сега“, смета Курти.

Вучиќ истакана дека Србија нема да дозволи нови колони со бегалци од северот на Косово и дека државата спремна да интервенира.

Претседателот Вучиќ денеска во обраќањето пред граѓаните истакна дека од 1999 година на Косово се врши перманентен терор врз српското население.

Веднаш по оваа изјава Србија започна со распоредување на воена техника на границата со Косово. На снимката од вчера се гледаат нови колони воена техника снимени во Србија:, оклопни возила на пат кон Косово.