(Видео) Почнаа уличните борби: Руската војска се бори со Украинците по улиците на Харков

На социјалните мрежи вирално се шират снимки од руски трупи кои се навлезени длабоко во Харков. На видеата се гледаат руски војници и тешка оклопна механизација како се движи по улиците на градот.

Во моментов видеа од Харков споделуваат и Украинците кои водат улични битки со руската армија.

Според она што може да се види од видеото не се работи за припадници на украинската армија, туку доброволци на кои им е доделено оружје.

Харков е најголем град во источна Украина и втор по големина град во земјата. Градот е административен центар на истоимената област и претставува главен научен, индустриски и студентски центар во Украина. Во време на СССР, градот бил најголем центар за производство на тенкови, трактори и турбини и трет најголем индустриски, научен и превозен центар после Москва и Санкт Петербург.