(Видео) Џонсон “ненадејно” го посети Киев и “ненадејно” се сретна со Зеленски

Британскиот премиер Борис Џонсон денеска ненадејно го посети Киев, каде се сретна со украинскиот претседател, Володимир Зеленски. Ова е втора посета на Џонсон на Киев од почетокот на руската инвазија на Украина кон крајот на февруари.

По средбата, Џонсон и Зеленски го посетија плоштадот „Михајливска“ во украинскиот главен град, каде британскиот премиер им се обрати на граѓаните со зборовите: „Украина, ве поддржуваме“.

„Велика Британија понуди да започне голема операција за обука на украинските вооружени сили, со потенцијал за обука на илјадници војници“, соопшти кабинетот на Џонсон.

Британскиот премиер денеска требаше да учествува на голем самит во Донкастер, но во последен момент откажа и замина во Киев.

Share on Facebook

Tweet

Follow us

Save