Од 600 до 3600 евра казна за невакцинираните во Австрија

t

Австрија од понеделник го укинува карантинот за невакцинирани, ден пред стапување на сила на одлуката за задолжителна вакцинација против ковид-19, соопшти денеска владата.

Австрискиот канцелар Карл Нехамер и министерот за здравство Волфганг Муекштајн рекоа дека таа мерка, која беше воведена во ноември, веќе не е потребна, затоа што не постои опасност од преоптоварување на одделенијата за интензивна нега во болниците, пренесува австриската новинска агенција АПА.


Канцеларот Нехамер рече дека локдаунот за невакцинирани, кој беше воведен во ноември минатата година, бил неизбежна мерка, иако многумина се бунеле против неа.

Австрија е прва земја во Европа која воведува задолжителна вакцинација за возрасни, а според властите, тоа е неопходно поради ниската стапка на вакцинација и заштита на болниците од преоптовареност со ковид-пациенти.

Во Австрија досега се вакцинирани над 75 отсто од жителите.
Надлежните по писмен пат ќе го известат секое домаќинство дека од 1 февруари на сила е ново правило, а од средината на март полицијата со рутински проверки ќе го утврдува вакциналниот статус.

Невакцинираните ќе бидат казнети со 600 до 3600 евра во случај на повторување на престапот.

Во Виена секој виден се одржуваат протести против задолжителна вакцинација.

ПОВРЗАНИ ВЕСТИ

Возбудливата љубовна приказна на Европејците и Украинците…

Се чини дека возбудливата љубовна приказна на…

СЗО: Ковид-19 продолжува да се шири и…

Светската здравствена организација (СЗО) очекува „високо ниво“…

Според Шолц Русија е повторно закана за…

Русија го „загрозува меѓународниот поредок“ со војната…

Конечно, после година и пол: Укината кризната…

По повеќе од година и пол дена,…

Русија ќе одговори на зголемениот број американски…

Руските власти денеска се заканија дека ќе…