Вработените во здравство ќе добијат 10% зголемување на платите

Министерот за здравство, д-р Фатмир Меџити денеска имаше средба со претставници на синдикатот за здравство по повод потпишување на Спогодбата меѓу Министерството и Синдикатот на здравствените работници за ново зголемување на платите на медицинскиот персонал од јавното здравство.
Како што е наведено во соопштението од МЗ, станува збор за утврдување најниска плата на вработени во здравството и ќе се операционализира покачувањето од 10 отсто за сите вработени во здравството, предвидено со општиот колективен договор.
-На денешната средба ја потпишавме Спогодбата за ново зголемување на платите на здравствените работници, како и анексот за изменување и дополнување на Колективниот договор за здравствената дејност, со кој се врши зголемување на платите на вработените во јавните здравствени установи со плати пониски од минималната. Ова е второ покачување на платите на здравствените работници годинава. Наша заложба е да имаме мотивирани здравствени работници кои посветено работат и обезбедуваат квалитетна здравствена заштита за пациентите, истакна на средбата министерот Меџити.
Поединечни колективни договори ќе бидат склучени со Самостојниот синдикат на вработените во универзитетските клиники, центри, клинички болници и други јавни здравствени установи во државата.
ПОВРЗАНИ ВЕСТИ
Муртезани: Мора да го штитиме процесот од…
Мора да го штитиме процесот на пристапување…
Прогласена вонредна состојба на Крим поради излевање…
Руските власти денеска оценија дека ситуацијата е…
Обвинителството на Босна и Херцеговина побара притвор…
Обвинителството на Босна и Херцеговина до Судот…
Дрога пронајдена во затвор Идризово
На 27.12.2024 година во 20:30 часот во…
СЗО не ја пронајде мистериозната болест Х…
Здравствените експерти веруваат дека бранот на болести…