Втор ден од состанокот на политичките директори на НАТО во Скопје

t

Во Скопје продолжува неформалниот состанок на директорите за политичкo – безбедносни прашања на министерства за надворешни работи на НАТО на земјите-членки на НАТО.

Со состанокот претседава помошничката на генералниот секретар на НАТО за политички прашања и безбедносна политика Бетина Каденбах. На состанокот, исто така учествуваат и високи претставници на Европската Унија.

На првата работна сесија на состанокот, посветена на Западен Балкан вчера се обрати министерот за надворешни работи Бујар Османи, кој рече дека отсуството на кредибилна европска и евроатлантска перспектива на Западен Балкан може да има мноштво негативни последици, особено во поглед на регионалната стабилност.

– Оттука, забрзувањето на евроинтегративните процеси на земјите од Западен Балкан, како и консолидираниот пристап на НАТО и ЕУ во регионот е најдобрата алатка за надминување на безбедносните предизвици и зачувување на демократските процеси во нашите простори, порача Османи кој го отвори состанокот.

Министерството за надворешни работи на Република Северна Македонија, по зачленувањето на земјата во НАТО за прв пат е домаќин на еден ваков настан, на кој учествуваат високи гости од сите земји – сојузнички, соопшти МНР.

Министерството додава дека одржувањето на состанокот на Директорите за политичкo – безбедносни прашања на министерствата за надворешни работи на НАТО во Скопје е уште еден доказ за стратешкото значење на регионот за Северноатлантскиот сојуз.

ПОВРЗАНИ ВЕСТИ

Шпански весник: Меси се враќа во Барселона?!

Шпанскиот спортски дневен весник „Diario sport“ пишува…

Вардар поразен од Целје: Струшкиот турнир има…

Струшкиот ракометен турнир кој летово се одржува…

Стејт департментот тајно го предупредил Конгресот за…

Стејт департментот тајно го предупреди американскиот Конгрес…

Утре е Преображение Господово: Ова се народните…

Православна црква и нејзините верници утре го…

Кина забрзано купува злато: Увозот најголем во…

Кина забрзано купува злато. Кина купила повеќе…