Објавено на:

Вучиќ се слушна со Путин: Му честиташе за големата победа

t

Претседателот на Србија Александар Вучиќ и рускиот претседател Владимир Путин разговараа денес за најважните актуелни прашања, јавуваат српските медиуми.

Како што се наведува во соопштението на српското Претседателство, Путин, во телефонскиот разговор, му ја честитал на српскиот претседател Вучиќ убедливата победа на претседателските избори и значајната победа на Српската напредна партија (СНС) на парламентарните избори.


„Тој во оваа прилика му посака на претседателот Вучиќ среќа и успех на одговорната должност шеф на државата и напред на Србија во следните пет години, со уверување дека Србија и Русија ќе ги задржат суштински пријателските односи“, се наведува.

Вучиќ се заблагодарил на честитките и кажал дека Србија ќе продолжи да води европска политика, со зачувување на своите искрени и традиционални пријателски односи со Руската Федерација.

Двајцата претседатели ја анализирале економската ситуација и билатералните односи во сферата на енергетиката и трговската размена, која во 2021 и првите два месеци од 2022 година забележала раст, што е добар знак на успешната соработка.

Вучиќ го информирал Путин за тешкотиите со кои Србија се соочува при увозот на сирова нафта и изразил уверување дека Газпромнефт и Србија, како и партнерите од ЕУ, ќе најдат излез од таквата ситуација.

Путин го информирал Вучиќ за настаните во Украина и причините поради кои Русија се одлучила за спроведување на „воената операција“ во Украина, а Вучиќ се повикал на ставовите на Србија, изразувајќи надеж дека конфликтот ќе заврши во најкраток можен рок.

Српскиот и рускиот претседател за осум години се сретнаа 19 пати. Првата средба беше во 2014 година. Путин и Вучиќ прв пат се сретнаа на 7 јули во Москва. Последната средба беше на 25 ноември 2021 година.

ПОВРЗАНИ ВЕСТИ

Утрински брифинг на Министерството за одбрана на…

Утрински брифинг на Министерството за одбрана на…

Директорката на Инфективна: Заразениот со мајмунски сипаници…

Ги следиме препораките, внимаваме на состојбата, како…

Aлбанија може во ЕУ, а не и…

Доколку Бугарија не даде зелено светло за…

Протекоа плановите на Кина за Пацификот: Соломонските…

Кина планира да понуди значајни економски и…

Фон дер Лајен: Русија ја користи храната…

Европската унија не смее да стане зависна…