Објавено на:

Генерал Мајли: Над 100 илјади руски војници загинале во Украина

t

Стотици илјади руски и веројатно исто толку украински жртви досега донесе војната во Украина, вели американскиот генерал Марк Мајли. Тој смета дека зимата отвора можност за преговори и крај на војната.

Најавеното руско повлекување од Херсон и потенцијалната пат-позиција на боиштето во текот на зимата можат да отворат шанса за двете земји да преговараат за мир, изјави началникот на генералштабот на армијата на САД, генералот Марк Мајли.

Тој рече дека околу 40.000 украински цивили и „далеку над“ 100.000 руски војници биле убиени или ранети во војната, кој влезе во деветтиот месец. „Истото веројатно важи и за украинската страна“, додаде Мајли.

„Се случува огромно страдање, човечко страдање“, рече Мајли во Економскиот клуб во Њујорк.

Украинскиот претседател Володимир Зеленски во вторникот изјави дека е подготвен за мировни преговори со Русија за крај на војната, но само под услов Русија да ги врати сите окупирани украински територии, да исплати компензација за воените штети и да се соочи со обвиненија за воени злосторства. Русија исто така изрази подготвеност за разговори, а неделава најави и почеток на повлекување од Херсон.

Зеленски предупреди дека Русите глумат повлекување од Херсон за да ја навлечат украинската армија во рововска битка во стратешки важниот град.

Шанса за преговори

Мајли, кој е највисоко рангиран американски воен претставник, вели дека Русија распоредила меѓу 20 и 30 илјади трупи во Херсон и дека целосното повлекување може да трае со недели.

„Првичните индикации се дека тие навистина го прават тоа (повлекувањето, н.з.). Јавно соопштија дека го прават тоа. Верувам дека го прават тоа за да си ги сочуваат силите и да ги зацврстат одбранбените линии јужно од реката Дњепар, но останува тоа да го видиме“, рече Мајли. Тој смета дека постои можност Русите да го искористат повлекувањето за да ги подготват своите трупи за пролетна офанзива, но исто така „постои шанса за преговори“.

Но за преговорите да имаат шанса, и Русија и Украина ќе мораат да „сфатат“ дека воената победа „можеби не може да се постигне преку воени средства, и затоа треба да се свртат кон други методи“, рече Мајли, наведувајќи го крајот на Првата светска војна како пример за тоа.

ПОВРЗАНИ ВЕСТИ

Груевски ги подбра властите: Неспособни сте, корумпирани…

Пишува Никола Груевски на Фејсбук: Разорениот земјотресот…

ТРАГЕДИЈА ВО КАНАДА: Автобус удри во градинка,…

Градски автобус денеска удри во градинка во…

Зеленски: Велика Британија им помага на „украинските…

Украинскиот претседател Володимир Зеленски денеска во Лондон…

СЗО испраќа стручни тимови и авиони со…

Светската здравствена организација испраќа стручни тимови и…

Имал потекло од Тетово: Блажевиќ двапати за…

Легендарниот хрватски тренер, Мирослав Блажевиќ, кој почина…