Објавено на:

Гостиварски театар ова лето со две премиери

t

„Гостиварски театар“ ова лето пред публиката ќе изведе две премиери на албански и македонски јазик. Кон крајот на јуни ќе биде изведена претставата „Каде е пиштолот“ во режија на Ѓорѓи Ризовски, а во првата половина од јули „Тајните на мостот“ која ја подготвува Фатмир Хусеини.

Плановите за работа во оваа театарска куќа на прес-конференција ги соопшти директорот Сулејман Рушити. Тој меѓу другото на средбата со новинарите го најави и гостувањето на ансамблот на театарски фестивал во Дебар со претставата „Вес, вес“.

За првата премиера за годинава режисерот Ѓорѓи Ризовски напомена дека е универзално дело, кое се занимава со големи и вечни теми и е многу актуелна.

-Имавме многу убав процес на работа во еден театар кој се развива сè повеќе и повеќе. Како режисер сум многу задоволен од ансамблот на „Гостиварски театар“ и мислам дека ќе успееме да направиме претстава за која на сите ќе ни биде ќеф и ќе бидеме горди, рече режисерот Ризовски.

Во претставата по текст на унгарскиот автор Габор Ѓоргеј играат: Ирена Илиевска, Марко Дојоски, Береда Решит, Вулнет Исмани Ариан, Ејупи, Кујтиме Ахмети и Исмаил Омер.

Сулејман Рушити, кој од неодамна е назначен за прв човек на театарот, најави реализација на програмата која е насочена кон придобивање на побројна театарска публика.

– Гостиварски театар е уникатен, затоа што во него се работи на три јазици и има претстави на три јазици, македонски, албански и турски. По тоа е уникатен не само во земјава, туку и во поширокиот регион. Во иднина ќе бараме помош, не само од Министерството за култура, туку за поддршка ќе се обратиме и локалната власт, до културни работници, невладини организации за да ја прошириме програмата. Фокусот ни е публиката, сакаме да ја придобиеме во што поголем број, рече Сулејман Рушити директор на „Гостиварски театар“, на прес-конференцијата.

Тој ги обелодени и плановите за вклучување на децата и помладата публика. За таа цел ќе се обидат да обезбедат екстра буџет наменети за претстави за млади и со млади актери.

ПОВРЗАНИ ВЕСТИ

Француски адмирал: „Против кинеската морнарица, ќе победиме…

Началникот на генералштабот на француската морнарица во…

Меѓу странците во Велика Британија најчесто се…

Едно од седум деца родени во Велика…

Приведени две лица за изнуда на 20.000…

СВР Струмица, заедно со Одделот за криминалистичка…

Светски мафијаши добија пасош, а ни судот…

Три години трае борбата на Хенри де…

Американскиот амбасадор со јасна порака: Сакаме Србија…

Американскиот амбасадор во Белград Кристофер Хил изјави…