Град Скопје: Шилегов оставил корисниците на куќарките на Кеј 4 години да ги користат противправно, без никаков договор

t

За целосно информирање на јавноста во однос на медиумските натписи за затекнатата состојба со корисниците на куќарки на Кејот 13 ноември сакаме да појасниме дека лицата се без активни договори со град Скопје од 01.02.2018 година. Претходниот градоначалник на Градот Скопје, Петре Шилегов свесно ги оставил корисниците на куќарките четири години да ги користат противправно без постоење на правен основ за нивно користење, велат од Град Скопје.

-Ваквата состојба најмалку одговара на корисниците на овие привремени објекти и поради тоа градот Скопје во транспарентна и законска постапка со објава на јавен оглас ќе ја разреши ситуацијата.


Овие корисници за првпат се пријавиле на јавен оглас во 2011 година со договор од времетраење од една година, што се продолжувал со анекс секоја наредна година. Оваа пракса прекинала на 31.01.2018 година и овие граѓани целосно се ставиле во милост и немилост. Свесно биле оставени без дозвола и договор да ги користат куќарките, оставајќи можност на претходното раководство да се отстранат кога ќе посакаат.

Дотолку што постојната состојба е спротивна на прописите, ја ограничува конкурентноста и го оштетува буџетот на Градот и граѓаните.

Корисниците се веќе известени дека во рок од 15 дена треба да ги ослободат куќарките од предметите кои се во нивна сопственост и да ги предадат објектите на Градот Скопје во состојба во којашто ги примиле според Записникот, затоа што не постои правен основ за нивно понатамошно користење. Во следниот период ќе се објави јавен повик каде овие лица и сите останати заинтересирани ќе можат да се пријават за користење на јавни површини, односно користење на куќарките.

Апелираме до сите медиуми и граѓани во своите натписи да не шират дезинформации, сите постапки кои Градот Скопје ги спроведува мора да бидат според законот и во целосно транспарентна постапка за да се создаваат позитивни политики за доброто на граѓаните, но и во насока на заштита на корисниците на куќарките, кои ќе можат правно да го регулираат својот статус и правото на користење, стои во сопштението од Град Скопје.

ПОВРЗАНИ ВЕСТИ

Вулин: Ако патот до ЕУ води низ…

Вулин: Ако патот кон ЕУ води низ…

Бугарија се пишмани: Ќе ја разгледува опцијата…

Бугарија планира да разговара за исплатите на…

ССМ најави масовни протести од утре: Не…

За време на протестите од 1-ви Мај,…

Русите го деминираа Мариупол: Животот се враќа…

Руското Министерство за одбрана денеска соопшти дека…

(Видео) Поранешен јапонски премиер: Америка покажа дека…

Поранешниот јапонски премиер Шинзо Абе денеска изјави…