Груби-Агелер: Уставните измени имаат посебно значење како услов за продолжување на европскиот пат

t

Потребата од уставни измени, интеграцијата на земјата во Европската Унија, реформите во земјата, политичката ситуација и процесот на ветинг, биле темите на кои разговарале на денешната средба првиот потпретседател на Владата и министер за политички систем и односи меѓу заедниците Артан Груби и амбасадорката на Соединетите Американски Држави, Ангела Агелер.

Како што соопштија од кабинетот на Груби, уставните измени биле оценети од посебно значење поради тоа што се услов за продолжување на европскиот пат. На средбата, стои во соопштението, било проценето дека земјава нема време за губење.

Понатамошната интеграција на Западен Балкан во Европската Унија е дополнителна гаранција за стабилност и просперитет во овој дел од Европа, а САД, како сојузник на Македонија, продолжуваат да ја даваат поддршката за завршување на интегративниот процес.

– Секој успех на нашата земја е постигнат во соработка со Соединетите Американски Држави, соопштија од кабинетот на првиот потпретседател на Владата и министер за политички систем и односи меѓу заедниците.

Функционирањето на владината коалиција било оценето како квалитативно, а Груби истакнал дека европскиот пат бара еден заеднички фронт на сите прогресивни сили, додека САД остануваат силно посветени на поддршката на Република Македонија на патот кон реформите за да се овозможи функционална и стабилна демократија.

На средбата се разговарало и за предлогот за ветинг што треба да ги опфати сите, од политичките личности, судиите и обвинителите, како форма на борба против корупцијата и акција која гарантира суштинска контрола на функционерите пред да бидат избрани на функцијата.

Груби изразил благодарност за американската помош и поддршка за еднаквост, демократија и интеграција на нашата земја во последните три децении.

(МИА)

ПОВРЗАНИ ВЕСТИ

Кој “ќари” од војната? Лани била најуспешна…

Продажбата на американско оружје во странство се…

САД контра Турција: Шведска и Финска се…

Портпаролот на американскиот Стејт департмент, Нед Прајс, изјави…

По Бајден и Трамп, доверливи документи пронајдени…

Адвокатот на поранешниот потпретседател Мајк Пенс открил…

САД ја предупредуваат Црна Гора да си…

Специјалниот пратеник на САД за Западен Балкан,…

Шефот на Вагнер со отворено писмо до…

Основачот на приватната паравоена компанија „Вагнер“, Евгениј…