Денес се празнуваат преподобните маченици Галактион и Епистима

t

Родени се во финикискиот град Едеса, обајцата од родители незнабошци. Мајка му на Галактион беше бездетна сè додека не се крсти. Потоа, таа го приведе кон верата и нејзиниот маж и го крсти и воспита како христијанин својот син Галактион. Кога стаса за женидба, неговата добра мајка Левкипија се упокои, а татко му го сврши за некоја девица Епистима.

Галактион никако не сакаше да стапи во брак, па ја посоветува Епистима да се крсти, а потоа и истовремено со него да се замонаши. Се повлекоа на гората Пуплион, Галактион во машки, а Епистима во женски манастир. И секој од овие двајцата во својот манастир се покажа како вистинско светило. Први во подвигот, први во молитвата, во смирението и послушанието, први во љубовта. Од манастирот не излегуваа ниту се видоа еден со друг освен пред смртта.

Настана луто гонење на христијаните и тие обајцата беа изведени на суд. Кога Галактион го биеја, Епистима плачеше. Тогаш и нејзе ја избија. Потоа, им ги отсекоа рацете, па нозете, а најпосле и главите. Нивните тела ги зеде Евтолиј и чесно ги закопа. Овој Евтолиј беше најнапред роб кај родителите на Епистима, а потоа монах заедно со Галактион. Тој го напиша житието на овие прекрасни Христови маченици, коишто пострадаа и примија небесни венци во 253 година.

ПОВРЗАНИ ВЕСТИ

За многу години: Денеска се празнува Воведение…

Кога Пресвета Дева Марија наполни три години…

Денес се празнува Светиот пророк Авдиј

Родум од селото Витахарамско од пределите Сихемски.…

Денеска се празнува Светиот маченик Платон

Од градот Анкира Галатиска. Роден и воспитан…

Денеска се празнува Светиот Апостол Филип

Еден од дванаесетте апостоли. Роден е во…

Денес се празнува Свети Јован Милостив

Патријарх Александриски. Роден е на островот Кипар…