Димитров удpи по Ковачевски на Фејсбук: Салама тактика, може да претпоставите колку ќе биде лошо решението

t

Никола Димитров, поранешниот вицепремиер за евроинтеграции, денеска објави статус на Фејсбук со кој ја искритикува Владата по посетата на бугарскиот премиер Кирил Петков во Скопје дека го спинува решавањето на спорот со „добрата волја Бугарија да го прифати краткото име“. Ова поранешниот министер за надворешни работи го нарекува „салама“ тактика.

Вчера сами јавно признаа дека го смениле пристапот и стратегијата кон Бугарија, што прво ги урива хистеричните напади за мене и тврдењата дека сме немале внатре разлики, а второ го разобличува и обидот за евтин спин дека нешто Софија отстапила (спин што добро го препознаа и некои наши медиуми).


Додека бев внатре го држев другиот пристап – ништо не е договорено додека не се договорат сите прашања – како што јавно кажа мојот наследник вчера.

Вториот ден без мене пристапот и суштината се смени во „салама” тактика, пишува Димитров.

Според него, Владата го претставува како успех прифаќањето на „краткото име“ од страна на Бугарија во преговорите за деблокадата, но според Димитров реално тоа не е така.

Велат дека сега со новиот пристап сме имале резултати веднаш – Софија „прифатила“ да го користи краткото име, нешто што само по себе не е наш проблем, туку нивен и нивно барање.

За ова неосновано барање да биде прифатено ние пративме нота до ОН што Софија ја бараше две години и не ја добиваше, без притоа да направи било каква отстапка.

Сега ова биле резултатите со новиот пристап…

Да се разбереме, никој никогаш не спорел дека ваков пристап би дал резултати – АМА во корист на другата страна.

Ако овој нов пристап се развива и кулминира, никој не спори и дека решение е можно, претпоставувате какво.

Повеќе за суштинската штета со нотата до ОН, каде атрибутите на државата се затворени, во следниот јавен настап, дополнува Димитров.

ПОВРЗАНИ ВЕСТИ

Бугарското МНР го разобличи Османи: Протоколот бил…

Бугарското министерство за надворешни работи уште еднаш…

(Видео) Бугарски пратеник: Ја влечеме Македонија во…

Со денешната одлука на Народното собрание, кое…

Бугарите ги подбраа властите: Поради прекуокеански морони…

Предупредувањето на руското Министерство за надворешни работи…

Детали од Османи: Во францускиот предлог ни…

Зеленото светло на бугарскиот парламент за Македонија…

И Бугарија ќе гори, Каракачанов повикува на…

Бојко Методиев Борисов изврши лично национално предавство…