Директорот на американската агенција за трансфер на оружје поднесе оставка – смета дека не е во ред да се дава оружје само на Израел

Директорот Агенцијата одговорна за трансфер на оружје на сојузниците на САД, поднесе оставка, пишуваат американските медиуми.
Џош Пол не се согласува со, како што рече, одлуките на администрацијата да го забрза трансферот на оружје во Израел.
Пол, кој беше директор за конгресни и јавни работи во Бирото за политичко-воени прашања на Стејт департментот, на социјалната мрежа LinkedIn напиша:
„Не можам да работам во поддршка на збир на главно политички одлуки, вклучително и брзање со повеќе оружје на едната страна од конфликтот. Тоа ме прави кусоглед, деструктивен, неправеден и контрадикторен на самите вредности што ние јавно ги застапуваме“.
Пол објаснува дека иако ја препознал „неизмерната големина“ на нападот на Хамас врз Израел, тој исто така верува дека одговорот на Израел „само ќе доведе до повеќе и подлабоко страдање“ за Израелците и Палестинците.
Оставката на Пол доаѓа истиот ден кога Бајден, за време на посетата на Израел, вети дека ќе побара од Конгресот подоцна оваа недела „невиден пакет поддршка за одбраната на Израел“.
Сепак, претседателот најави и 100 милиони долари хуманитарна помош за палестинските територии за време на неговото патување, а тој го повика израелскиот премиер Бенјамин Нетанјаху да ги следи „законите на војната“ додека се подготвува да испрати копнени трупи во Газа.
ПОВРЗАНИ ВЕСТИ
Католиците и дел од православните го слават…
Католичките верници и дел од православните христијани,…
(Видео) Се урна патнички авион во Казахстан
Патнички авион на Азербејџан ерлајнс се урна…
Денеска се празнува Свети Спиридон Чудотворец
Место на раѓањето и на службата на…
Метео: Облачно и студено време со засилен…
Од УХМР јавуваат дека времето денеска ќе…
Хезболах не знаел дека купува пејџери од…
Двајца поранешни припадници на Мосад за американската…