Објавено на:

Добивме пофалба од Вашингтон: Забраната за прелет на Лавров беше суверена одлука на три држави

t

Коментирајќи ги руските осуди и закани по откажувањето на посетата на министерот за надворешни работи Сергеј Лавров на Белград, портпаролот на Стејт департментот Нед Прајс рече дека Бугарија, Црна Гора и Македонија „како суверени држави донеле суверени одлуки за нивниот воздушен простор, што ја одразува решеноста на Европа да ја повика Русија одговорна за неоправданата инвазија на Украина, која е без причина“.

„Ова беа суверени одлуки за воздушниот простор на тие три суверени држави, кои ја одразуваат решеноста на Европа да ја повика Русија на одговорност за неоправданата инвазија на Украина, што е без причина. Ја повикуваме Србија да се фокусира на својата цел за членство во ЕУ, вклучително и да ја усогласат својата надворешна и безбедносна политика со остатокот од Европа“, рече Прајс, а пренесе „Гласот на Америка“.

Тој исто така вели дека САД постојано ја повикуваат Србија да преземе чекори за напредок кон европскиот пат, вклучително и диверзификација на изворите на енергија, намалување на енергетската зависност од Руската Федерација и усогласување на надворешната и безбедносната политика со Европската унија.

„Ние сè уште сакаме да бидеме партнер на Србија и да и помогнеме во нејзините напори за зајакнување на енергетската безбедност на долг рок“, рекол Прајс.

На прашањето како САД и НАТО ќе ги заштитат трите земји кои го затворија воздушниот простор од руските закани, Прајс одговорил:

„Сите три земји се членки на НАТО, а посветеноста на членот 5 во однос на сите три е обврзувачка. Вчера ја одбележавме петтата годишнина од членството на Црна Гора во НАТО, а втората годишнина од членството на Македонија во март“, изјавил Прајс.

ПОВРЗАНИ ВЕСТИ

Четири активни пожари до 19 часот во…

Известување од Центарот за управување со кризи,…

Николај Милков: Нужно е да зборуваме со…

Со PM имаме шанса да ги решиме…

Османи: “Северна Македонија деновиве е претворена во…

„Северна Македонија деновиве е претворена во центар…

Мирот, стабилноста и безбедноста се осигурани за…

Вицепремиерот задолжен за европски прашања, Бојан Маричиќ,…