Додик пред судот изјави дека не го разбира обвинението, верува дека веќе е осуден

t

Лидерот на босанските Срби, Милорад Додик денеска пред Судот на Босна и Херцеговина не се изјасни за обвинението поднесено против него поради неспроведување на одлуките на високиот претставник на меѓународната заедница, Кристијан Шмит, наведувајќи дека не разбира што пишувало во него и додавајќи дека верува дека пресудата е веќе донесена.

Актуелниот претседател на Република Српска дојде во судницата во Сараево во придружба на адвокат, а оваа рутинска процедурална постапка ја следеа голем број новинари додека галеријата во најголемата постоечка судница беше исполнета до последното место. Меѓу посетителите преовладуваа симпатизерите и политичките соработници на Додик, кои дојдоа таму да му ја покажат својата поддршка и лојалност.

Додик не сакаше да стане кога требаше да се изјасни, велејќи дека не го разбира обвинението, а на ист начин постапи и Милош Лукиќ, директор на Службен весник на РС, кој беше обвинет заедно со него. Додик се пожали дека не може да стане „бидејќи го боли грбот“, што судијката Јасмина Ќосиќ Дедовиќ го оцени како непочитување на судот.

Во согласност со правилата, судијата изјави дека и Додик и Лукиќ се изјасниле за невини, па сега го чекаат судењето. (МИА)

ПОВРЗАНИ ВЕСТИ

Тридневна жалост во Црна Гора поради убиството…

Во престрелката во Цетиње вчера загинаа 12…

Курсна листа на НБРМ: Колку чини еврото…

Според курсната листа на НБРМ средниот курс…

Денеска се празнува Светиот свештеномаченик Игнатиј Богоносец

Овој свет маж е наречен Богоносец затоа…

Метео: Сончево и тивко време

Од УХМР јавуваат дека времето денеска ќе…

Убиецот од Цетиње бил условно осуден, експлозив…

Вршителот на должноста директор на полициската управа…