Дрисла се модернизира со нова градежна механизација за побрзо третирање на отпадот

t

Побрзо третирање на отпадот и заштеда од досегашната пракса на изнајмување на градежни машини од надворешни компании е придобивката од набавката на четири нови машини во Јавното претпријатие Дрисла. Обезбедени се два булдожери и два натоварувачи со што значително ќе се подобри третирањето на отпад во депонијата.

Претпријатието Дридла дејност обавуваше со стара опрема што бараше постојано сервисирање, а во исто време за соодветно да се спроведува третирањето на отпад се изнајмувале машини од надворешни компании со што огромни биле трошоците во претпријатието за оваа намена. Сега значително се заштедуваат средства што се одвојувале за постојано сервисирање и изнајмување, а и значително ќе се подобри и забрза третирањето на отпад. Претпријатието изминатите години изнајмуваше градежни машини од надворешни фирми, за што се издвојуваа големи износи на финансиски средства, на овој начин оваа пракса се намалува со крајна цел во целост да престане и машините кои се користат да бидат во сопственост на Дрисла, истакна градоначалничката на Скопје, Данела Арсовска.

За директорот на Дрисла Јане Мицевски оваа инвестиција е важна за да се спречи еколошко жариште во градот.

Четирите машини со вредност од околу 30 милиони денари се според европските и светски стандарди за квалитет на градежната опрема и за емисија на издувни гасови, со што се овозможува не само заштеда на гориво туку и подобрување на работните процеси и услугите за граѓаните. Градежните машини кои се користеа досега се стари, амортизирани и во многу лоша состојба, постојано се случуваат дефекти кои секојдневно се сервисираат во рамките на можностите. Со новата механизација ќе имаме континуитет во работењето и ќе го забрзаме процесот со цел да се превенира создавање на еколошко жариште, изјави Мицевски.

Инвестицијата во механизација на Дрисла е продолжување на модернизацијата на ова претпријатие каде пред две недели беше пуштен во употреба и стерилизаторот за медицински отпад.

ПОВРЗАНИ ВЕСТИ

Нема индиции дека Русија ќе употреби нуклеарно…

Портпаролката на Белата куќа, Карин Жан-Пјер денеска…

Се формира совет за унапредување на образованието…

Министерството за образование и наука согласно направените…

Три лица повредени во сообраќајка кај Муртино:…

Три лица се повредени во сообраќајка која…

(Видео) Големи експлозии во воздухопловна база на…

Експлозии од големи размери и детонации со…

Столтенберг ги осуди ракетните тестирања на Северна…

НАТО упати критики кон Северна Кореја поради…