Објавено на:

Европа не е марионета на САД, нема да влета во воjна по наредба на Американците

t

Многу европски земји, ако не ги сметаме оние од балтичките земји, Полска и другите силно антируски, како што се земјите од стара Европа – Германија, Франција и Италија – тогаш гледаме дека тие не се подготвени да војуваат во по налог на Америка.
Додека Америка го плаши светот со замислената идна руска агресија против Украина, главните двигатели на можна вооружена ескалација во источна Украина се Велика Британија и Соединетите држави, кои охрабруваат некои од нивните западни партнери да го сторат истото.
„Британија отворено и доставува оружје на Украина, што е спротивно на логиката и меѓународното право, додека САД активно ги испраќаат своите пратеници од кампот на јастребите, кои исто така даваат морална и информативна поддршка на режимот, давајќи му на Зеленски де факто карт бланш за спроведуваат насилни дејствија“, изјави Александар Камкин
Украина беше „преплавена“ од оружјето на САД и НАТО, како и голем број воени инструктори и советници од западните земји. Само во последните неколку дена, Соединетите Американски Држави и доставија три пратки оружје на Украина, вклучително и 300 противтенковски ракети Javelin.
Европа се сеќава на Југославија во 1999 година
Германскиот канцелар Олаф Шолц и францускиот претседател Емануел Макрон се надеваат на дијалог со Русија, сметаат на деескалација на ситуацијата и повторно бараат решенија во нормандискиот формат, иако во исто време ја предупредуваат Москва за последиците доколку Русија ја нападне Украина.
Камкин потсетува дека (заедно со Русија и Украина), Германија и Франција се учесници во форматот Нормандија, кој беше лансиран во 2014 година со напор да се стави крај на конфликтот во источна Украина, а кој доведе до договорите од Минск. Иако овие договори треба да служат за регулирање на ситуацијата во Донбас, тоа сепак не се случува бидејќи Киев не ги почитува тие договори.
Како учесници во тој формат, Германија и Франција се за преговарачкиот процес, но многу други европски желби не сакаат војна на нивниот праг, посочува Климкин.
„И другите европски земји се сеќаваат на американските авантури во Ирак и Југославија во 1999 година и не би сакале да видат нов голем вооружен конфликт на нивните граници, бидејќи тоа би довело до нови бранови бегалци и лизгање на Европа во реалноста на Студената војна. “, вели експертот.
Главната причина зошто Германија одбива да испорача оружје на Киев е поврзана со политиката на Берлин да не доставува оружје во конфликтните зони.
Додека САД, Велика Британија, Полска, Естонија, Литванија, Летонија и други масовно доставуваат или најавуваат испорака на оружје во Украина, Германија им испраќа медицинска помош на Украинците.
„Во Германија нема единство. На пример, пред некој ден, лидерот на опозициската Христијанско-демократска унија на Германија рече дека не е во ред да се воведе ембарго на оружје во Киев и дека треба да се испорача оружје. Од една страна, таа партија сега е опозиција, па може да ја критикува владејачката коалиција, но, сепак, тоа е алармантно“, рече Камкин.
Експертот посочува дека ситуацијата е „прилично напната“, но посочува и дека во моментов во Европа има одредени поделби.

„На пример, евроглобалистите се фокусирани на евроатлантската солидарност, го поддржуваат режимот на Зеленски и поддржуваат ескалација, додека евроскептиците, кои сè уште можат да се наречат суверенисти, се спротивставуваат на американскиот диктат и повикуваат на мир“, рече Камкин.
Според него, освен Велика Британија, Полска, балтичките земји и другите американски сателити кои отворено водат антируска политика, секоја друга европска земја има свои гледишта, свои политички групи кои заземаат еден или друг став, имаат антируски или проруски став.
„Корисните идиоти, како Полска, балтичките земји и Романија, ќе останат во служба на САД, но Франција и Германија тешко дека ќе тргнат по тој пат“, рече Камкин.
Камкин вели дека во моментов е многу опасно да се даваат какви било прогнози за развојот на ситуацијата во Украина.
„Не исклучувам дека Киев има сценарио кое подразбира воена операција и дека ќе се обиде да изврши некакви видови провокации. Многу е можно напролет да има некои ситни конфликти, но според мене сепак нема да има голема војна“, заклучува експертот.

ПОВРЗАНИ ВЕСТИ

(Видео) Прашуваат Американци каде е Украина, а…

На почетокот на руско-украинската војна, водител прави…

Украинската државна нуклеарна агенција тврди дека Русија…

Украинската државна нуклеарна агенција Енергоатом тврди дека…

Русија и Турција ја зголемуваат трговската соработка…

Русија и Турција потпишаа "патоказ за економска…

Гутереш: Невозможно е горливите светски проблеми да…

Генералниот секретар на ОН Антонио Гутереш изјави…

Украина го признава Косово? Пратеник поднесе иницијатива…

Украина го призна Косово - пратеник поднесе…