Екс амбасадорот во Софија, Ѓорчев: МАНУ и УКИМ да се вклучат во решението за спорот со Бугарија

t

Поранешниот амбасадор на Македонија во Бугарија, Марјан Ѓорчев, во емисијата „24 анализа“ на ТВ24 вчера потенцираше дека Бугарија развила широка општествена дебата со вклучување на интелектуалците, Академијата на науките и медиумите и дека ги дефинирала црвените линии со Македонија, додека, пак, ние, како што рече, не ја проценивме добро ситуацијата и не сфативме дека треба да го сториме истото.

– Ние не ја проценивме добро ситуацијата дека истото треба да го направиме. Потоа дојде освестувањето кога почнавме да се престројуваме и да бараме модус како да се најде излез, оти се виде дека Бугарија ќе нè блокира и тука се пренасочи фокусот на нашата политичка акција на една рамнотежна состојба. Бугарите тоа го видоа и бугарските претставници создадоа амбиент во кој воочија дека нивниот приод кон Македонија е нецивилизациски. Тој дијалог мора да продолжи, иако ние не се познаваме добро, само сме блиску еден до друг. Идејата за проширување на дијалогот е добра – рече Ѓорчев.

Според него, потребно е сега да се оствари една поширока дебата за спорот со Бугарија, а во која ќе бидат вклучени повеќе важни институции и личности од земјава.

– МАНУ и УКИМ треба да се вклучат во дебатата и тоа треба да биде преку Собранието. Исто така треба да се вклучи и Сојузот на писатели, односно луѓе кои се важни чинители во македонското општество. Тоа го дозволува нашиот Устав. Можеме да зборуваме отворено и искрено – истакна Ѓорчев.

ПОВРЗАНИ ВЕСТИ

Хезболах не знаел дека купува пејџери од…

Двајца поранешни припадници на Мосад за американската…

74-годишна жена од Охрид заврши во болница…

Вчера во 18.00 часот во СВР Охрид…

Озлогласениот наркобос се врати во Колумбија по…

Еден од основачите на наркокартелот Меделин се…

ВО ЛУКСЕМБУРГ Е НАЈИСПЛАТЛИВО ДА СИ ЖЕНА:…

Родовиот јаз меѓу вработените ширум Европа и…

20-годишник тешко повреден, откако со „голф“ излетал…

20-годишен возач е тешко повреден откако со…