Ерменија и Азербејџан се договорија за взаемно признавање на територијалниот интегритет
Ерменија и Азербејџан се договорија за взаемно признавање на територијалниот интегритет, соопшти денеска ерменскиот премиер Никол Пашинјан.
„Сакам да потврдам дека Ерменија и Азербејџан се договорија за взаемно признавање на територијалниот интегритет и врз основа на тоа можеме да кажеме дека се движиме доста добро кон решавање на нашите односи“, рече тој на проширената средба на Врховниот евроазиски економски совет.
Премиерот се осврна и на прашањето за обезбедување на правата и безбедноста на жителите на Нагорно Карабах „во рамките на меѓународниот механизам“.
„Се надевам дека нормален конструктивен дијалог меѓу Баку и Степанакерт (главниот град на отцепениот регион Нагорно-Карабах) ќе започне наскоро“, рече тој.
Пашинјан на прес-конференција во Ереван во понеделникот рече дека го признава територијалниот интегритет на Азербејџан, кој го вклучува Нагорно Карабах, но под услов – безбедност на ерменското население. (МИА)
ПОВРЗАНИ ВЕСТИ
Руски експерт прашува: Ѝ подготвува ли САД…
Западот подготвува државен удар во Грузија со…
Ќе влеземе заедно? Мишел: Украина може да…
Претседателот на Европскиот совет, Шарл Мишел, изјави…
Рама: Конфликтите во Косово се од интерес…
Албанскиот премиер Еди Рама изјави за британскиот…
Спасовски: Мицкоски не знае како е да…
Министерот за внатрешни работи Оливер Спасовски вечерва…
(Видео) Димовска и Трајковски пукаа шампањ кога…
Кога почна бомбардирањето на Белград од страна…