ЕСМ го презема управувањето со БЕГ и Скопје Север – Загубите ќе се покријат со народни пари

t

Од денеска ЕСМ го презема работењето на БЕГ и Топлифкација Скопје Север. Ова се предвидува со кризната состојба на пазарот со топлинска енергија која ја прогласи Владата. Министерот за економија Крешник Бектеши вели дека нема точна пресметка колку пари ќе чини оваа криза. „Сѐ ќе зависи од тоа како ќе се движат берзанските цени на гасот. Засега предвидени се 6 милиони евра за покривање на трошоците на снабдувачите со топлинска енергија“, изјави министерот Бектеши кој сепак уверува дека доколку се потребни повеќе пари имало доволно средства во буџетот. Според него, нема да има проблеми до крајот на грејната сезона.

Инаку, кризната состојба што ја прогласи владата е во времетраење од 30 дена. Владата реши да го стави БЕГ под еден вид на „принудна управа“ до крајот на грејната сезона, и преку ЕСМ да го стабилизира пазарот на топлинска енергија, откако во решавањето на проблемот не се вклучија Градот Скопје и општините. „Ние не субвенционираме приватни фирми и затоа е донесена одлука од страна на ЕСМ, која е фирма во 100 процентна сопственост на државата, да се преземе управувањето со БЕГ. Преку државната ЕСМ ќе се покрива разликата од реалната и постојната цена за корисниците“, вели Бектеши.


Долговите што ги прават БЕГ и АД Скопје Север кон АД ТЕ-ТО и Макпетрол за снабдување со гас во изминатите неколку дена заклучно со 21 јануари ќе треба да ги решат приватните компании со меѓусебни договори за одложено плаќање или на некој друг начин. Денеска најверојатно ќе има нов договор меѓу ЕСМ, БЕГ и Скопје Север. Во врска со одговорноста околу ладните радијатори во Скопје, министерот за економија вели дека веќе има постапки во Обвинителството за издавањето на лиценците за БЕГ во 2012 година, а за обврските што ги има согласно дадената лиценца, РКЕ може да провери дали БЕГ имал резерви мазут за 15-дневна работа како што произлегува од обврската од Законот за енергетика.

ПОВРЗАНИ ВЕСТИ

Утре со посебен сообраќаен режим Скопје поради…

Министерството за внатрешни работи ја информира јавноста…

ССМ во понеделник ќе го блокира влезот…

Штрајкувачкиот одбор – Претседателството на ССМ на денешната седница…

(Фото) Непознати сторители “декорирале” споменик донација од…

Споменикот на коњаникот Мадара во паркот на…

Цената на становите ќе стагнира пренесуваат консултантите…

Стагнација на цената на метар квадратен. По…

Исчезнале две малолетни деца од Скопје

На 22.06.2022 во 11:00 часот во Полициското…