Естонската влада се распаѓа поради страв од Русија: Се сомнева дека зад се стои Кремљ

Естонскиот премиер Калас го поддржа воведувањето строги санкции на ЕУ против Москва, а Естонија испрати повеќе воена поддршка по глава на жител за Украина од која било друга земја.

Имено, естонската премиерка, Каја Калас ги обвини своите коалициски партнери дека „активно работат против основните вредности на Естонија“ додека земјата се соочува со руската безбедносна закана.

Нејзината либерална реформска партија беше во тензичен сојуз со Партијата на Центар, која ги прекина своите долгогодишни врски со партијата Единствена Русија на Владимир Путин дури по руската инвазија на Украина.

– Безбедносната ситуација во Европа не ми дава никаква можност да ја продолжам соработката со Центарот како премиер – посочи Калас

Политичката криза во Естонија се засили откако партијата Центар гласаше против владиниот предлог-закон за образование и пред јунскиот самит на НАТО во Мадрид, на кој ќе се разговара за зајакнување на источното крило на НАТО.

Британски Телеграф пишува дека постојат сомнежи дека Русија се обидела да искористи страни како Центарот за да го ублажи одговорот на Естонија на конфликтот во Украина.

„Многу Естонци, вклучително и јас, стравуваат дека политичките играчи кои ги делат интересите на Кремљ се обидуваат да ја преземат естонската влада“, вели естонскиот автор Рајн Рауд.

Во петокот Калас го отстрани својот помлад коалициски партнер од владата и предложи формирање на нов кабинет со две помали партии до следните избори, кои нема да бидат закажани пред март 2023 година.

Се наведува дека меѓу седумте отпуштени министри на Центарот, која сочинува нешто помалку од половина од кабинетот од 15 членови, била и министерката за надворешни работи, Ева-Марија Лиимец.

Share on Facebook

Tweet

Follow us

Save