Објавено на:

Животниот век се намалил за 2,2 години: Очекуваниот живот кај нас траe 74,4 години

t

Очекуваниот животен век при раѓање во ЕУ во 2020 година изнесува 80,4 години, што е за 0,9 години пониско споредено со претходната 2019 година. Највисок очекуван животен век на ниво во ЕУ при раѓање имаат жителите на Норвешка – 83,3, Исланд и Швајцарија – по 83,1 години, додека најмал Бугарија – 73,6 години и Романија – 74,2 години. Кај нас очекуваниот животен век е 74,4 години, покажуваат податоците на Евростат.

Во земјите од регионот најголем очекуван животен век при раѓање имаат Грција – 81,4 години, потоа следи Хрватска – 77,8, Албанија – 77,4, Црна Гора – 75,9, Србија – 74,5, Северна Македонија – 74,4 и Бугарија – 73,6 години.

Животниот век при раѓање во нашата земја споредно со 2019 година е намален за 2,2 години, кога бил 76,6 години, што е најголемо намалување меѓу сите земји во регионот, додека во Бугарија и Србија за 1,5 години.

Според податоците на Евростат, на ниво на ЕУ жените имаат за 5,7 години повисок очекуван животен век (83,2 години) отколку мажите (77,5 години), додека споредно со 2019 година на ниво на ЕУ очекуваниот животен век при раѓање е намален за 0,9 години. Мажите имаат поголемо намалување, за точно една години, додека жените за 0,8 години. Ваквото остро намалување на очекуваниот животен век се должи на зголемената смртност во 2020 година поради КОВИД-19 пандемијата.

Во 2020 година региони со највисок очекуван животен век при раѓање се во Франција – Корзика (84 години), Шпанија – Балеарските Осторви (83,9 години) и Грција – Епир (83,8 години).

Од друга страна во ЕУ сите региони со најмал очекуван животен век при раѓање се во Бугарија – Северозападен (72,1 година), Североцентрален (72,8) и Југоисточен (72,9 години).

Францускиот остров Корзика имал најголем животен век на жените (87,0 години), а потоа следи шпанскиот регион Галиција (86,7). Два француски региони (Лоара и Миди-Пиринејски), Оландските Острови во Финска и регионот Епир во Грција забележале ист животен век на жените – 86,4 години. Највисоките нивоа на очекуваниот животен век на мажите при раѓање се забележани во регионот на Епир во Грција, во регионот на Умбрија во централна Италија и на Балеарските острови во Шпанија (сите 81,4).

ПОВРЗАНИ ВЕСТИ

Шпански весник: Меси се враќа во Барселона?!

Шпанскиот спортски дневен весник „Diario sport“ пишува…

Вардар поразен од Целје: Струшкиот турнир има…

Струшкиот ракометен турнир кој летово се одржува…

Стејт департментот тајно го предупредил Конгресот за…

Стејт департментот тајно го предупреди американскиот Конгрес…

Утре е Преображение Господово: Ова се народните…

Православна црква и нејзините верници утре го…

Кина забрзано купува злато: Увозот најголем во…

Кина забрзано купува злато. Кина купила повеќе…