За седум дена починaлe 97 лица од ковид-19, што е за 76,4 отсто повеќе во однос на минатата недела

t

Според неделниот извештај на Институтот за јавно здравје во периодот од 17. до 23. јануари пријавени се 97 смртни случаи во 20 градови, што е за 76,4 отсто повеќе во однос на минатата недела. Најголем дел од нив се од Скопје (38). Во однос на возраста, најголем број од починатите припаѓаат на возрасната група над 60 години, а регистрирани се починати лица и кај возрасната група од 50-59 години (8), 40-49 години (2) и 30-39 години (2).

Регистрирани сe 11.610 нови позитивни случаи од 35 градови во државата, со зголемување од 4,5% во однос на минатата недела. Процентот на позитивност се движи од 23,6% до 34,4%, просечно 29,1%.


Во текот на минатата недела вкупно се пријавени 1.559 реинфекции, со зголемување од 25,0% во однос на претходната недела.

Според неделниот извештај на ИЈЗ тестирани се 39.289 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 15,6% во однос на минатата недела.

Регистрирани се заболени лица во сите возрасни групи. Најзастапени се возрасните групи на лица на возраст 30-39г и 40-49 години. Најмал број е регистриран кај возрасната група од 0-9 години. Се забележува зголемување на бројот на заболени кај скоро сите возрасни групи со најголемо зголемување кај возрасната група над 0-9 години со зголемување од 30,9% и возрасната група 60+ со зголемување од 17,1% во однос на претходната недела. Се регистрира намалување на бројот на заболени кај возрасните групи од 10-19 години (-15,3%) и 20-29г (-18,0%) во однос на минатата недела.

Со статус „оздравени“ се стекнале 7.627 лица кои биле хоспитализирани или на домашно лекување.

На 17.02.2021 во Македонија започна вакцинацијата против ковид -19. Заклучно со 22.01.2022, вакцинирани се вкупно 864.759 лица со барем една доза на вакцина против ковид-19 во државата и странство. Комплетно вакцинирани (со две дози) се вкупно 841.143 лица, а со трета доза се вакцинирани 122.752 лица.

ПОВРЗАНИ ВЕСТИ

Османи: Македонскиот јазик станува еден од 25-те…

Министерот за надворешни работи, Бујар Османи вели…

Исчезнатото дете во Буково го нашле среде…

Веста дека во средата во 11.40 часот…

Oсмани: Забрзано се работи на нов француски…

Министерот за надворешни работи, Бујар Османи вели…

Бугарското МНР го разобличи Османи: Протоколот бил…

Бугарското министерство за надворешни работи уште еднаш…

(Видео) Бугарски пратеник: Ја влечеме Македонија во…

Со денешната одлука на Народното собрание, кое…