Зеленски бара ЕУ да ги стопре визите за руските туристи, а својата вила во Тоскана ја издал на Руси за 50.000 евра месечно

t

Украинскиот претседател, Володимир Зеленски, наводно, ја изнајмил својата луксузна вила во Тоскана на Руси на еден месец, пишува италијанскиот весник „Ил Тирено“. Од друга страна, Зеленски во повеќе наврати јавно и остро ги повикуваше лидерите на ЕУ да престанат да им даваат визи на руските туристи.

Руски брачен пар со адреса во Лондон изнајмил вила за август, плаќајќи ја кралската сума од 50.000 евра. Вилата, лоцирана во крајбрежниот град Форте деи Марми, ја купил Зеленски за четири милиони евра додека тој сè уште бил актер. Фотографиите објавени од парот на социјалните мрежи потврдија дека тие престојувале на имотот на Зеленски – пишува „Ил Тирено“.

„Кориере дела сера“, друг италијански весник, контактирал со агентот за недвижности кој управувал со имотот, при што тој изјавил дека „станарите не биле Руси, но не може да каже повеќе бидејќи приватноста го спречувала.“ Сепак, весникот вели дека станарите најверојатно биле со руско потекло, „но дека имаат долгогодишен престој, а можеби и англиско државјанство“.

Од почетокот на војната во Украина, Зеленски ја повикува ЕУ да одбие да дава визи за руските посетители.

Рускиот народ треба да живее во свој свет додека не ја сменат својата филозофија – изјави Зеленски за „Вашингтон пост“ претходно овој месец.

Уште во март, Зеленски конкретно ја повика италијанската влада да го „блокира целиот [руски] недвижен имот, сметки и јахти, од Шехерезада до најмалите“, мислејќи на суперјахта долга 140 метри, која наводно му припаѓа на руски тајкун.

Сите летови меѓу ЕУ и Русија се суспендирани, а Унијата, во средата го суспендираше билатералниот договор за визно олеснување со Русија. Суспензијата го намалува бројот на нови визи за ЕУ ​​достапни за Русите без целосно да се елиминира патувањето.

Покрај тосканската вила на Зеленски, украинскиот претседател и неговиот потесен круг наводно поседуваат големо портфолио на офшор недвижен имот и средства, вклучително и неколку скапи резиденции во Лондон.

ПОВРЗАНИ ВЕСТИ

(Фото) Радев се сретна со Пендиков: Немало…

Бугарската држава нема да толерира насилство врз…

(Во живо) СТРАШНО! Земјотресот од 7,7 степени…

Во врска со земјотресот што се случи…

Хорор… Нов земјотрес од 7,8 степени ја…

Нов земјотрес со јачина од 7,8 степени…

СЗО ја активираше мрежата екипи за итна…

Светската здравствена организација ја активираше својата мрежа…

Османи: Антисемитизмот не е поразен, потребна промоција…

Антисемитизмот го донесе холокаустот, но не исчезна…