Зеленски се обрати пред швајцарскиот парламент, десничарите беа против

Претседателот на Украина, Володимир Зеленски, денеска ја повика Швајцарија да дозволи увоз на нејзиното оружје во Украина, велејќи дека тоа е клучно за борбата против руската инвазија.

„Знам дека Швајцарија разговара за извоз на воен материјал за заштита и одбрана на Украина. Тоа би било клучно“, рече Зеленски во обраќањето до украинскиот парламент преку видео врска. „Ни треба оружје за да го вратиме мирот во Украина“, додаде тој.

Швајцарија не продава оружје на земјите во конфликт

Швајцарија има долгогодишна политика на забрана за препродажба на швајцарско оружје на земјите во конфликт. Кон крајот на минатата година оваа централноевропска земја воведе ембарго за продажба на муниција на Русија и Украина.

Прашањето ја поттикна дебатата во Швајцарија, која се обидува да одржи рамнотежа помеѓу својата традиционална политика на неутралност и грижата за своето европско соседство и домашното производство на оружје. Зеленски ѝ се заблагодари за приклучувањето кон европските санкции против Русија и ја покани да биде домаќин на светскиот состанок за мир.

Десничарите беа против говорот на Зеленски

„Многу е важно да се покаже солидарност бидејќи овие санкции ни помагаат да ставиме крај на агресијата“, рече украинскиот претседател, нагласувајќи дека санкциите треба да се зајакнат.

„Би сакал да ве повикам да одржите глобален собир за мир. Можете да преземете водечка улога таму и да ја искористите вашата национална експертиза“, рече Зеленски.

Неговиот говор предизвика тензии во парламентот откако десничарската Швајцарска народна партија оцени дека говорот ја нарушува неутралноста на земјата.

Share on Facebook

Tweet

Follow us

Save