И викате Тито нè измисли?! ,,Другар команданте, ние илинденците се ставаме на располагање да ја браниме Дебарца”

Генералниот скеретар на Левица, Јована Мојсоска, на Фејсбук сподели фотографии од Илинденската споменица доделена на нејзината прабаба во чест на 50-годишнината од Илинденското востание.

Мојсоска сподели и дел од кажувањата на Михајло Апостолски, во продолжение нејзината објава на Фејсбук:

– ,,Во одбраната на слободната територија во Западна Македонија, нужно е да истакнеме, дека целиот народ учествуваше во нејзината одбрана на разни начини, но кулминацијата на ангажирањето на населението во одбраната на слободната територија е доброволното организирање на преживеаните борци од Илинденското востание од 1903 година – во една чета.

Во критичниот момент во одбраната на слободната територија, кога Германците со сите усилби настојуваа да се пробијат во Дебарца и кон Дебар, Главниот штаб на Македонија ги ангажира и последните резерви, така што на 7 октомври 1943 година, и четата ИЛИНДЕНЦИ стапи во борба.

На Пресека четата се постројува, командирот врши војнички поздрав и му рапортира на командантот на Главниот штаб со едноставни, но тогаш многу потресни зборови:

– ,,Другар команданте, ние илинденците се ставаме на располагање да ја браниме Дебарца.”

(*Михаило Апостолски, 1973 година)

ПС Сликата е Илинденска споменица, доделена на мојата прапрабаба НАСТА Петреска од село Годивје, Дебрца. Доделена е во 1951 година на преживеаните илинденци по повод 50-годишнината од Илинденското востание.

Според кажувањата на баба ми, нејзината баба Наста го везела Илинденското знаме за востаничките чети во Дебрца.ж

ЛИНК од објавата