Објавено на:

Како на филм во Чаир:  Му удрил бокс на полицаец, а потоа репетирал и му вперил пиштол, следувал вистински хаос!

t

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека ги сторило кривичните дела – Неовластено изработување, држење, посредување и тргување со оружје или распрскувачки материи од член 396 став 1 и Напад врз службено лице при вршење работи на безбедноста од член 383 став 2 во врска со став 1 од Кривичниот законик.

Осомничениот 28-годишник, на 23 мај, пред угостителски објект на улицата „Македонско-косовска бригада“ во Скопје, нападнал и телесно повредил полициски службеник – началник на ЕВР Чаир, кој постапувал и вршел контрола на службите на терен во врска со кампањата „Безбедна матурска прослава“.


Осомничениот најпрвин вербално му се заканил на полицискиот службеник, а потоа и физички го нападнал, удирајќи го со бокс во пределот на раката. Осомничениот извадил и огнено оружје – пиштол марка „Сиг Сауер“ со калибар 9 мм, со 10 куршуми во рамката, кој го поседувал без дозвола, го репетирал и го вперил кон оштетениот. Еден од другите присутни полициски службеници му ја оттурнал раката, при што осомничениот испукал еден проектил во воздух, а веднаш потоа бил совладан од присутните полицајци.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, оценувајќи дека постои опасност да се даде во бегство, да влијае врз сведоците или да го повтори делото.​​

ПОВРЗАНИ ВЕСТИ

85 санкции за брзо возење на автопатот…

Како што соопштија од МВР, од нив,…

Тинејџерка нападната и ограбена на мостот во…

На 24.06.2022 во 07:50 часот во Полициска…

Скопјанец ја натепал мајка си

На 25.06.2022 во 01.00 часот на подрачје…

Изгоре викендица во Катланово

На 24.06.2022 во 13.00 часот во Полициско…

Нехамер гледа напредок во спорот меѓу Македонија…

Австрискиот канцелар Карл Нехамер смета дека бугарскиот…