Објавено на:

Касјанов: Путин, кого го познавав, беше поинаков

t

Михаил Касјанов, поранешниот премиер на рускиот претседател Владимир Путин, денеска изјави дека и во неговите најлоши кошмари не можел да замисли дека Путин ќе ја нападне Украина.

„Путин, кого го познавав, беше поинаков“, пренесува БЕТА извадоци од видео-интервјуто што Касјанов го даде за АФП.

Касјанов, кој премиерската фунција ја извршуваше во периодот од 2000 до 2004 година пред да ѝ се придружи на опозицијата, проценува дека војната може да трае и до две години, но сепак верува дека Русија еден ден повторно ќе тргне по „демократскиот пат“.

Поранешниот премиер кој работеше на приближување на Москва и западните земји, рече дека како и повеќето Руси дека не мислел оти може да дојде до војна. Касјанов вели дека сфатил дека ќе има воена интервенција три дена пред самиот почеток на војните дејствија, кога Путин ги свикал членовите на неговиот Совет за безбедност „на добро организирана средба што се емитува на телевизија“.

„Кога го гледав тој состанок на рускиот Совет за безбедност, конечно сфатив дека ќе има војна. Ги познавам тие луѓе и гледајќи ги, видов дека Путин повеќе не е истиот. Не медицински, туку политички“, рече Касјанов кого Путин го замени во 2004 година.

Потоа Касјанов се приклучи на опозицијата и стана еден од најголемите критичари на Кремљ. Касјанов сега води мала либерална партија, Партијата за слобода на народот (ПАРНАС).

Касјанов уште вели дека Владимир Путин откако дошол на власт во 2000 година изградил систем заснован врз неказнивост и страв.

ПОВРЗАНИ ВЕСТИ

Руската армија обвинува: Украинците претвораат цивилни објекти…

Руска армија: Украинските нацистички баталјони ги претвораат…

Русија достави 507 тони хуманитарна помош во…

Пет хуманитарни акции беа спроведени од страна…

Путин ги пофали младите Руси за активната…

Младите во Русија се трудат да го…

САД праќаат нова тура воена помош во…

САД се подготвени да и дадат на…

Москва: САД се на работ да станат…

Постојаната поддршка на Вашингтон за Киев за…