Ковачевски го нападна Мицкоски: Не им верува на најблиските соработници затоа бара да дојде сам на лидерска – нема да разговараме за предвремени избори

Премиерот Димитар Ковачевски откри дека оставил на ВМРО-ДПМНЕ да си избере во кој формат ќе биде лидерската средба која е закажана за в среда во Клубот на пратеници.

– Не знам дали имаат доверба меѓусебе, па дали смеат да зборуваат сами на средба. Тие го избраа форматот и на средбата ќе се зборува на две теми: евроинтеграција и активности на сите политички чинители во однос на односите со соседите. Се надевам дека ВМРО-ДПМНЕ ќе подржи интеграција и очекувам да разговараме за сите аспекти на оовие значајни теми и се надевам дека ќе најдеме заеднички јазик за европската интеграција – рече Ковачевски.

Запрашан дали ќе се зборува за предвремени избори, Ковачевски рече дека изборите ќе се одржат во редовните термини, прво претседателските, па потоа редовните парламентарни избори.

Тој се надева дека сите пратеници ќе бидат на нивото на задачата и дека ќе гласаат за отпочнување на постапката на отворање на Уставот.

– Треба да се искористи овој прозорец за почнување на преговорите со ЕУ. Сите граѓани посакуваат да влеземе таму. Тоа е најбогатиот пазар во светот – порача премиерот по увидот на делницата Неготино – Демир Капија.

Share on Facebook

Tweet

Follow us

Save