Ковачевски смирува: Има храна и енергенси, нема потреба да се активираат стоковите резерви

t

Стоковите резерви се на ниво пропишано со закон и тековно се менаџираат. Нема потреба да се активираат бидејќи нема недостаток на храна и енергенси, информираше денеска премиерот Димитар Ковачевски во одговор на новинарско прашање.

– Кога зборуваме за стоковите резерви, веројатно мислите на храната и на нафтени деривати. Во моментов има непречено снабдување со нафтени, кое е постојано од почетокот на кризата бидејќи се снабдуваме од солунското пристаниште и тоа над 70 проценти се работи за нафта која не е од руско потекло туку од друго потекло, посочи Ковачевски.

Во однос на храната, премиерот истакна дека се управува дневно и неделно во однос на резервите кои ги има државата и кои обезбедуваат непречено снабдување на пазарот во услови кога има недостатоци. Тој додаде дека нема недостаток на храна во државата, бидејќи обезбеден е непречен проток на прехранбени производи преку соседните држави Албанија, Грција и Србија.

За цените на производите во малопродажбата, премиерот информираше дека е запознаен со одредени злоупотреби и оти нема да дозволи дел од дистрибутерите да вештачки да ги покачуваат цените со големи маржи. Најави дека инспекциите ќе работат на терен и ќе нема селекција во инспекциите и спроведување на законот на добрите практики на однесување во услови на најголема криза.

ПОВРЗАНИ ВЕСТИ

Нови мерки за штедење во Германија: Јавните…

Германија го ограничува греењето на јавните згради…

Украина ќе ѝ помогне на ЕУ да…

Украина се подготвува да го зголеми извозот…

Тешка зима е на прагот: Граѓаните да…

Сите подготовки за престојната зима во делот…

Фон дер Лајен: Азербејџан е клучен за…

Претседателката на Европската комисија Урсула фон дер…

Ако “Северен тек” не профункционира, цените да…

Норвешки министер: Ако „Северен тек“ не функционира,…