Македонија ќе купува системи за противвоздушна одбрана од Франција

t

Министерството за одбрана пристапува кон набавка на современ систем за противвоздушна одбрана, а за кој ќе склучи договор со Министерството за одбрана на Република Франција, информираше на денешната седница на Комисијата за одбрана и безбедност на Собранието, министерката за одбрана, Славјанка Петровска.

Образложи дека станува збор за унапредување на системот за борбена готовност на Армијата во насока на остварување на основната задача за одбрана на независноста и територијалниот интегритет и суверенитет на државата.

„Како НАТО членка, безбедноста на нашето небо ја гарантираат сојузничките воздухопловни сили, а набавката на системот за противвоздушна одбрана е комплементарна во целокупниот одбранбен систем на државата. Во изминатите две децении не е извршена набавка на систем за противвоздушна одбрана кој е потребен пред сè за поддршка и заштита на припадниците на Армијата, заштита на институциите, и зголемување на безбедноста и сигурноста на граѓаните на Република Северна Македонија“, велат од Министерството.

Се работи за повеќегодишна набавка на систем за противвоздушна одбрана на мали височини, кој треба да ја унапреди борбената готовност на Армијата, а кој е предвиден согласно Планот за опремување и модернизација на Армијата.

Како што е наведено, договорот ќе биде склучен наскоро, а за типот на воена опрема и за динамиката на испорака јавноста ќе биде информирана.

ПОВРЗАНИ ВЕСТИ

Османи: Уставните измени што побрзо да станат…

Уставните измени треба што побрзо да станат…

Франција ги потроши залихите? Нема повеќе оружје…

Франција неформално признава дека повеќе не може…

Член на комисијата потврди: Бугарските историчари инсистираат…

Не работиме на утврдување на статусот на…

(Во живо) Отварање на бугарскиот културно-информативен центар…

Следете го во живо отварањето на новиот…

Добро утро со Инфомакс: Денешните историски докажувања…

Ѓорче Петров е македонски професор, публицист, историчар,…