Македонија ќе остане без гас, „Газпром“ ја запира испораката на гас во Бугарија

t

„Газпром“ ја сопира доставата на гас во Бугарија, а со тоа и на Македонија, имајќи во предвид дека нашата економија влечеше количини на гас преку конекторот кој во 2014. година беше направен во Клечовце, а го отвори тогашниот премиер Никола Груевски.

На оваа гасоводна цевка, конектори имаат Македонија и Србија.

Денес, како што соопштуваат бугарските медиуми, „Булгаргаз“ добил известување дека доставата на природен гас од „Газпром Експорт“ ќе бидат запрени, заклучно од 27. април 2022. година.

Бугарската страна, пренесуваат тамошните медиуми ги има исполнето сите должности и ги има извршено сите плаќања кои произлегуваат од набавката на гас според склучените договори, и тоа, согласно со сите клаузули потпишани со „Газпром“.

Според зборовите на шефот на кабинет на бугарската влада Лена Бориславова премиерот и вицепремиерот на државата се запознати со ситуацијата, а причина за паника, велат нема, бидејќи уште во фебруари Бугарија има обезбедено доволни количини на гас.

Македонија уште во ноември минатата година имаше недостаток на гас, а ниту еден субјект немаше склучено долгорочен договор за набавка на гас, со што државава останува без доволни количини на природен гас.

На природен гас работат речиси сите странски инвестиции во земјава, тешката индустрија, производителите на топлинска енергија, но и често се користи како главен енергенс во лесна индустрија.

ПОВРЗАНИ ВЕСТИ

Петре Шилегов знаел за рамковните вработувања во…

Отстранувањето на речиси 40 лица од платниот…

Ванковска: Технички секретар во АЕК со завршено…

На огласот за работна позиција технички секретар…

Големо намалување на горивата, ова се новите…

Регулаторната комисија за енергетика и водни услуги…

И бурекот ќе стане луксуз: Една четвртина…

И лебот станува луксуз за граѓаните. Во…

За влез во државата се чека околу…

Интензитетот на сообраќај на патните правци надвор…