Маричиќ-Вархеји: Со Бугарија да се изнајде најдобро, европско решение

t

Вицепремиерот за европски прашања Бојан Маричиќ денеска одржа состанок со Оливер Вархеји, еврокомесар за проширување и соседска политика на ЕУ, на кој разговараа за европската перспектива на земјава и за важноста за деблокирање на евроинтеграциите.

– Бевме и ќе останеме посветени на одржување на позитивни резултати во спроведувањето на реформите, како што е потврдено во последниот извештај на ЕК за земјата, и никој не може да го негира тоа. Веќе е време да се даде нов тек на нашата европска агенда и да ги започнеме преговорите со Европската Унија, рече вицепремиерот Маричиќ.


Еврокомесарот Вархеји ја потврди поддршка на евроинтегративниот процес и изрази очекување дека со Бугарија ќе се изнајде најдоброто решение, во интерес на двете земји.

Вицепремиерот Маричиќ на состанокот укажа и на нашата посветеност на евроинтеграцискиот процес, брифирајќи го еврокомесарот Вархеј за работата и приоритетите на СЕП, како и за потребата од затворање на прашањето со Бугарија и деблокирањето на евроинтеграциите на Македонија.

– Постојаното одлагање на добивање датум за почеток на преговорите, се одразува на домашната политика, го зголемува евроскептицизмот, но и загриженоста за геополитичката стабилност, истакна Маричиќ, додавајќи дека ние сме веќе докажан партнер на ЕУ.

Маричиќ изрази уверување дека со Бугарија ќе се изнајде европско решение, кое ќе биде конкретен резултат и чекор до полноправно членство Македонија во Европската Унија.

Како што соопшти Секретаријатот за европски прашања, на состанокот заеднички е констатирано дека европските интеграции на Македонија и на регионот се единственото трајно решение за обезбедување траен мир и стабилност и на Западен Балкан и на Европа, и дека треба да се направи чекор напред во евроинтеграциите, во интерес на сите.

ПОВРЗАНИ ВЕСТИ

(Фото) Апасиев: СДС ја инструментализира тајната полиција…

Пратеникот во македонското Собрание и лидер на…

УЧК по улици ви парадира и не…

Ситуацијата пред Собранието на РМ денска ескалираше…

Димитров: На крајот сите ќе бидеме губитници,…

За било какво насилство нема оправдување. Протестите…

Граѓаните гневни: Ковачевски и Османи видовити, секоја…

Не стивнуваат обвинувањата кон власта дека провокациите…

СДСМ без срам и перде се јавија…

„Вечерва граѓаните беа сведоци на нови инциденти…