Медведев и се закани на Франција: Не заборавајте дека неретко економските се претвораат во вистински војни

„Санкциите се неверојатно ефикасни. Ќе водиме тотална економска и финансиска војна против Русија“, изјави францускиот министер за економија, Бруно Ле Мер, за ФрансИнфо, јави дописникот на МИА.

-Ќе предизвикаме колапс на руската економија. Економската и финансиската рамнотежа на силите е целосно во корист на Европската Унија, која е во процес на откривање на својата економска моќ, додаде министерот.

Поранешниот претседател и втор човек на рускиот Совет за безбедност, Дмитриј Медведев сега му возвраќа на францускиот министер за финансии Ле Мер.

„Не заборавајте дека економските војни во историјата на човештвото често ескалираа во вистински“, предупреди Медведев.

Неговото предупредување беше одговор на зборовите на францускиот министер за финансии Бруно Ле Мер, кој се закани дека ќе започне „тотална економска и финансиска војна“ против Русија.

Share on Facebook

Tweet

Follow us

Save