Објавено на:

Меси ги „поздрави“ медиумите: Не знам зошто го правевте тоа, за малку ќе се повредев

t

Лионел Меси по којзнае кој пат се покажа како херој за Аргентина, и тоа во ситуација кога неговата селекција изгледаше загубено на теренот и доста безидејно да го скрши бедемот пред голот на Мексико.

„Ацтеките“ се предодредија да се бранат со сите сили во второто полувреме во мечот на кој повеќе им одговараше бод, но нивниот план пропадна откако Меси испрати неодбранлив удар од 20-тина метри, мајсторија со која беше најавена победата на Аргентинците.

Со првите три бода на мундијалот, Меси и соиграчите ќе можат многу помирно да се подготвуваат за мечот со Полска, кој исто како и денешниот, има значење на финале.

– Сега не смееме да го спуштиме гардот. По првиот меч се доведовме во ситуација сите натпревари до крајот да бидат како финале. Немаме право на грешка и денеска одговоривме на најдобар можен начин. Мексико е добар тим и има одличен тренер и не беше лесно. Го остваривме тоа што сакавме и сега ни следи меч со Полска, – изјави Меси, кој ги „поздрави“ и новинарите и медиумите кои кренаа голема фама околу негова можна повреда пред стартот на мундијалот , ставајќи посебен акцент на неговиот отечен зглоб.

– Не знам зошто се направи голема работа од тоа. Сите од еднаш почнаа да зборуваат за зглобот, а немаше ништо. На претходниот меч го свиткав зглобот во последната минута и за малку ќе се повредев. За среќа, минав добро. Изгледа како некој ова да го прави намерно. Цела седмица се зборуваше за зглобот и на крајот за малце ќе се повредев. Добро е што тренирав наредните денови и денеска вложив напор за да им помогнам на соиграчите, – изјави Меси.

ПОВРЗАНИ ВЕСТИ

Поранешниот играч на Челси под рушевините во…

Потврдено е дека под урнатините предизвикани од…

Клиничката болница во Тетово доби медицинска опрема…

Министерот за здравство Беким Сали денеска ја…

(Видео) Демирел во солзи: Ве молам праќајте…

Легендарниот голман на Фенербахче и селекцијата на…

Турција е едно од сеизмичките најтрусни подрачја…

Турција, која беше погодена од два екстремно…

(Видео) Унгарија ни е голем пријател: Пендаровски…

Во рамките на официјалната посета на претседателката…