Министерство за здравство ја демантиpаше д-р Струлакова–Коровешоска, немало потврден случај на омикрон во Струга

t

Министерството за здравство ја информира јавноста дека досега со секвенционирање на вирусот SarsCoV2 детектиран е сојот омикрон само кај еден пациент кој во државата пред извесно време се вратил од Велика Британија. Утврдување на присуство на сој на вирусот SarsCov2 се врши единствено и исклучиво со секвенционирање, ПЦР тестирањето, односно детектирање на S-gene dropout може да биде само индикација но не и потврда дека пациент е заразен со сојот омикрон на Ковид 19. Досега на ПЦР тестови кај тројца пациенти позитивни на Ковид 19, детектиран е S-gene dropout, но нема извршено секвенционирање, односно нема потврда дека се заразени со омикрон. Тестирањата им се направени во приватна болница, а станува збор за пациенти од Прилеп, Велес и Струга. На пациентите им е направена епидемиолошка анкета и согласно протоколите ставени се во изолација лица со кои биле во контакт. Министерството за здравство апелира од воздржување и давање паушални изјави и непроверени информации кои ги доведуваат граѓаните во заблуда и шират паника меѓу населението.

Претходно беше објавено дека е потврден е првиот случај со омикрон, новиот сој на Ковид – 19 во Струга, врз основа на изјава за МИА епидемиологот од Центарот за јавно здравје Јованка Струлакова – Коровешоска.

Се работи за асимптоматски случај кај повозрасно лице, вакцинирано со две дози „Фајзер“.

Лицето во моментот е во изолација. ПЦР тест правеше пред една недела заради патување во странство. Во текот на скринингот излезе дека е позитивен на Ковид – 19, а денеска добивме потврда дека се работи за новиот сој омикрон, изјави Струлакова – Коровешоска.

Според анкетниот лист, посочи дека лицето не знае од каде се заразило, а како контакти ги навел членовите од потесното семејство.

ПОВРЗАНИ ВЕСТИ

Македонското здравство под лупа на СЗО

Светската здравствена организација (СЗО) во својот најнов извештај забележува…

Лекарите незадоволни: Планираното покачување на платите во…

Синдикатот на Клинички центар соопшти дека планираното…

Здравството нема да преживее ако лекарите се…

Професорката Марија Ралева од Катедрата за психијатрија…

Здравствени придобивки од пивото: 10 причини зошто…

Конечно и љубителите на пивото може да…

Никогаш полесно – Еве како да излечите…

Многу луѓе во светот страдаат од габа…