Мицкоски со честитка за Божиќ: Во овие мигови важно е да сме сплотени со чесна мисла и добри дела, само така ќе имаме мир

t

Претседателот на ВМРО-ДПМНЕ, Христијан Мицкоски упати честитка по повод празникот Рождество Христово Божиќ

До: Поглаварот на Македонската Православна Црква – Охридска Архиепископија, Архиепископ Охридски и Македонски Г.Г. Стефан

Дозволете ми од мое лично име, и од име на ВМРО-ДПМНЕ да го честитам најголемиот христијански празник Рождеството Христово – Божиќ, тоа е денот кога започнува спасението, зошто да не беше Божиќ, немаше да го имаме Велигден, а со тоа и Воскресението и Божјото спасение за луѓето.

Во мигови како овој важно е да бидеме сплотени, со чесна мисла, и со добри дела, само така ќе имаме мир и спокој во душите, но и во рамките на нашите можности ќе го менуваме општеството на подобро.

На трпезите оваа година за жал ќе имаме една горчина поради се поголемата економска криза и немаштија и тоа се работите кои човека го оставаат нерамнодушен, но и треба да се голем поттик за работите да ги менуваме, а ќе ги менуваме заедно, со верба, надеж, знаење и мотив за иднина каква ја заслужува секој еден човек.

Затоа сплотени и со верба во Бога да работиме за подобро, да создадеме услови кои ќе значат поттик и ослободување на интелектуалната сила и креација на секој еден човек, да ја ставиме на располагање секој движечка сила во функција на заедничкиот развој и промени кои ќе донесат иднина.

Нека Христос ви подари мир и спокој, да ве води низ животот и да биде вашата сила, за хармонија, развој вам и на вашите семејства.

Христос се роди!

Со почит,
проф. д-р Христијан Мицкоски
Претседател на ВМРО-ДПМНЕ

ПОВРЗАНИ ВЕСТИ

Груби: Празничните мигови нека бидат рефлексија на…

Првиот заменик на претседателот на Владата и…

Ахмети со честитка за Божиќ: Искрени желби…

Претседателот на ДУИ, Али Ахмети, по повод…

Божиќна честитка од Арсовска: Ви посакувам здравје,…

Градоначалничката на Скопје, Данела Арсовска денеска го…

Освен во Македонија, Русија, Србија, православните верници…

Православните верници кои го следат Јулијанскиот календар…

Путин со божиќна честитка до сите православни…

Рускиот претседател Владимир Путин им го честиташе…