МНР: Ние навреме апелиравме нашите државјани да се вратат од Украина – Сега е тешко да ги евакуираме од таму

t

Во моментот продолжуваат напорите за извлекување на нашите државјани од Украина. Во директен контакт сме практично со сите пријателски земји и сојузници, и во моментов тоа е наш врвен приоритет, истакнаа од Министерството за надворешни работи.

Оттаму нагласија дека во Украина состојбите стануваат сѐ посложени, но, како што додадоа, информациите во моментот говорат дека ниту еден наш државјанин не е повреден, ниту се наоѓа под директна закана за својот живот.

Информациите се менуваат од час во час, и истите во овој момент ниту од безбедносен, ниту од практична причина не можеме да ги споделуваме. Очекуваме поцелосна информација со завршување на денот, и истите потоа ќе бидат објавени, наведоа од МНР.

Оттаму посочија дека поради бројните појавени прашања за состојбите во и околу Украина, со посебен фокус кон состојбата на нашите државјани, Министерството за надворешни работи одблиску ја следи состојбата и ги вложува сите напори за да им излезе во пресрет на нашите државјани кои имаат побарано асистенција за нивна евакуација.

Дозволете да информираме дека Министерството за надворешни работи навремено информираше за влошувањето на безбедносната состојба со постојани апели за напуштање на Украина додека тоа беше сѐ уште изводливо, нешто што над 20 наши државјани го искористија – потенцираат од МНР.

ПОВРЗАНИ ВЕСТИ

Кина апелира Русија и Украина да не…

Шефот на кинеската дипломатија, Ванг Ји, во денешниот…

Ковачевски од ОН: Русија да се повлече…

Се наоѓаме пред голем предизвик, не очекува…

Поранешен војник на УЧК се буни: Сопругата…

Шабан Лимани, поранешен војник во три војни…

Денот Д: Русија може да разгледа закон…

Советот на Руската Федерацијата може да разгледа…

Ковачевски повтори: И покрај сите потешкотии ЕУ…

Граѓаните на Македонија заслужуваат најголем кредит, бидејќи…