Над 50 тетовци деновиве скршиле раце и нозе на смрзнатите улици и тротоари во градот

t

Снегот и ниските температури целосно ги прекрија улиците и тротоарите во Тетово со мраз, по што само во тетовската Клиничка болница, повеќе од педесет пациенти побарале помош поради скршеници, објави ТВ21.

-За пет дена на Одделот за ортопедија при Тетовската болница се примени над 50 пациенти со фрактури, од кои тројца се оперирани, а останатите се пуштени на домашно лекување. Во овој број се опфатени и лицата кои се здобиле со повреди на ски-центарот Попова Шапка. Најголем број телесни повреди предизвикани од лизгање се регистрирани кај децата и постарите лица, а најчести се повредите на екстремитетите, велат од одделот за ортопедија во Тетово.

Лекарите апелираат до граѓаните да не излегуваат надвор без потреба и да носат соодветни обувки и облека. Викендов, градоначалникот Биљал Касами изјави дека безбедноста и слободното движење на граѓаните е должност на локалната власт, кога заедно со вработените во Јавното комунално претпријатие ги чистеше тротоарите од снег и мраз.

-Имајќи ги предвид барањата на граѓаните доставени до претпријатието, но и до општината дека на тротоарите има мраз и опасност од повреди, ние денеска излеговме на терен за да извршиме надзор како вработените во претпријатието го чистат мразот. Во оваа прилика би сакал да им се заблагодарам на сите вработени во претпријатието кои ги исчистија тротоарите за граѓаните да можат слободно да се движат низ улиците во градот, рече Касами.

ПОВРЗАНИ ВЕСТИ

СВР Тетово заедно со спортските клубови ќе…

Претставниците на повеќе спортски клубови од гостиварскиот…

Пожарот избувна од дефибрилатор, не од продолжен…

Мумин Исмаили е сведок на трагедијата во…

Драма во Тетово: Маж и жена физички…

„На 29.07.2022 во 12.45 часот во СВР…

Заскитан куршум заврши во 40 годишен маж…

Од заталкан куршум синоќа бил повреден 40-годишник…

Пожарите не стивнуваат: Моментално гори во Струмица…

Во земјава активни се два пожара, меѓу…