Нападнати еврејски училишта во Канада: Наставниците во Монтреал ја нашле изрешетана влезната врата

Канадската полиција соопшти дека две еврејски училишта во Монтреал биле цел на оружен напад во четвртокот.
Наставниците кога пристигнале во училишниот комплекс во Кот-де-Ниж ја нашле влезната врата изрешетана со куршуми. Во нападот никој не е повреден.

Инцидентот доаѓа по нападот со огнена бомба на синагогата во Монтреал претходно оваа недела и судирите меѓу пропалестинските и про-израелските групи на градскиот универзитет Конкордија.

Канадскиот премиер Џастин Трудо повика на деескалација на тензиите на национално ниво.

– Знам дека емоциите се високи и луѓето се исплашени. Но, ние Канаѓаните не се напаѓаме едни со други, тоа не сме – рече Трудо за време на посетата на Монтреал.

Share on Facebook

Tweet

Follow us

Save