Нетанјаху: „Нашиот одговор ќе биде силен, брз и прецизен, подготвени сме за секакво сценарио”

Израелскиот премиер Бенјамин Нетанјаху најави „силен“ и „цврст“ одговор на „тероризмот“ по двата палестински напади во источен Ерусалим, од кои еден уби седум лица во близина на синагога.
„Нашиот одговор ќе биде силен, брз и прецизен“, рече Нетанјаху на вонредниот состанок на кабинетот за безбедност. „Не сакаме ескалација, но подготвени сме на секое сценарио.
Во петокoт, 21-годишен Палестинец пукал во случајни минувачи во близина на синагога во населбата Неве Јацов, убивајќи седум лица, а потоа се самоубил. Во саботата наутро, 13-годишен Палестинец застрела и рани двајца Израелци во Силван, во близина на ѕидините на Стариот град.
Ова ново насилство во источен Ерусалим, дел од градот окупиран и припоен од Израел, доаѓа во време на остра ескалација по смртта на девет Палестинци во четвртокот во операцијата на израелската армија во Џенин, на Западниот Брег, палестинска територија окупирана од Израел во 1967 година.
Израелските сили се во состојба на готовност, а војската соопшти дека го зголемува бројот на луѓе на Западниот Брег поради повиците за воздржаност од странство.
Американскиот државен секретар Антони Блинкен во понеделник и вторник треба да пристигне во Ерусалим и Рамала, каде што ќе разговара за мерките за деескалација.
Нетанјаху, претставник на израелската десница, се врати на власт кон крајот на декември со поддршка на екстремно десничарските и еврејските ултраортодоксни партии.
ПОВРЗАНИ ВЕСТИ
Израел испраќа воена опрема во Украина
Владата на Бенјамин Нетанјаху даде „зелено светло“…
Ракета истрелана од Појасот Газа кон југот…
Израелската армија соопшти дека денес е истрелана…
За две години односите меѓу Косово и…
Претставничката на Косово во амбасадата во Израел,…
Шестмина Палестинци се убиени во израелска воена…
Шестмина Палестинци се убиени денеска, а десет…
Нетанјаху: Израел има право да се брани…
Израелскиот премиер Бенјамин Нетанјаху го повтори правото…