Не умри магаре до зелена трева – Костадинов: Следната година ќе се живее подобро

t

Потпретседателот на СДСМ, Перо Костадинов, денеска се обрати на граѓанската трибина „Силно и одлучно кон иднината” што се одржа во општина Чашка.

Костадинов пред присутните рече дека СДСМ и премиерот Димитар Ковачевски имаат план за конечно надминување на последиците од економската криза и постепено враќање на предкризните стапки на економски раст.

– Изминативе 10 месеци преземавме низа мерки за помош на граѓаните и поддршка на компаниите за справување со последиците од кризата, само со последниот од двата пакета мерки вредни 760 милиони евра, опфаќаме скоро 200.000 граѓани на кои им помагаме. Владата предводена од СДСМ подготви Буџет за 2023 година кој е одговор на последиците од глобалната економска и енергетска криза. Со Буџетот за следната година се предвидуваат средства за нов раст на минималната плата и пензиите, но и 800 милиони евра за капитални проекти, што ќе има силен импакт врз економскиот раст и повеќе инвестиции на локално ниво, порача Костадинов.

Потпретседателот Костадинов истакна дека СДСМ покажува што значи вистинска грижа за земјоделците и за сите други категории на граѓани.

– Во најкризната година ги исплативме сите заостанати субвенции кон земјоделците, но воведовме и нови форми на поддршка затоа што оваа криза покажа колку е важно домашното производство на храна. Ги уверувам и земјоделците и сите останати граѓани, дека следната 2023 година ќе се живее подобро, дека македонската економија ќе расте, а доказ за тоа се и бројните инвестиции кои се случуваат насекаде низ државата, заклучи Костадинов.

ПОВРЗАНИ ВЕСТИ

Владеачко-политички консензус за милијарда евра од Клинички…

Ќе добие ли некогаш Македонија нов Клинички…

Мециновиќ: СДС и ДПМНЕ се заедно во…

Портпаролот на Левица, Амар Мециновиќ ја коментира…

Каевски: СДСМ успешно менаџира со енергетската криза

Преку одговорен пристап, со навремени и ефикасни…

СДСМ се фалат: За една година отворени…

Мерките и политиките, што ги креира Владата…