Нови силни земјотреси вечерва на Санторини, грчкиот остров се тресел 550 пати во последните три дена

Два силни потреса, со јачина од 5,3 и 5,2 степени според Рихтеровата скала, со разлика од една минута, се случиле вечерва во близина на брегот на Санторини, соопшти Геодинамичкиот институт, објавија грчките портали.

Првиот потрес, со јачина од 5,3 степени според Рихтеровата скала се случи во 22:15 часот со епицентар на 15 километри југо-југозападно од Аркесини, Аморгос, според ревидираното решение на Геодинамичкиот институт.

Вториот земјотрес се случил само една минута подоцна и бил со јачина од 5,2 степени според Рихтеровата скала.

Во сеизмичкото „невреме“ на Кикладите во последните три дена се забележани 550 земјотреси со епицентри во морското подрачје меѓу Санторини, Аморгос и Иос посилни од три степени.

Share on Facebook

Tweet

Follow us

Save