Норвешката влада се извини за закон со кој се гонеле хомосексуалците
Норвешката Влада денеска официјално се извини за законот укинат во 1972 година со кој беше криминализиран сексуалниот однос меѓу мажите.
Околу 120 луѓе беа уапсени и притворени помеѓу 1902 и 1950 година, според законот укинат 22 години подоцна, на 21 април 1972 година.
Ден пред 50-годишнината, премиерот Јонас Гар Стоере упати официјално извинување од властите поради законот.
– Преку законите, но и мрежата на санкции, ние како народ и општество ставивме до знаење дека не прифаќаме квир љубов. Владата сака да се извини за тоа, рече лидерот на Лабуристите.
– Овој закон уништи многу животи, рече министерката за култура и еднаквост Анет Третебергстуен, која и самата е хомосексуалка.
Норвешка ја декриминализираше хомосексуалноста во 1972 година и им овозможи на истополовите партнери да имаат животно партнерство во 1993 година, како втора земја во светот што го направи тоа, по Данска.
Хомосексуалните бракови беа законски изедначени со хетеросексуалните во 2009 година.
Извор: МИА
ПОВРЗАНИ ВЕСТИ
Левица бара дуплирање на роковите за застареност:…
Во својот говор пратеникот Димитар Апасиев за…
Поранешниот шеф на Вагнер уапсен во Норвешка
Поранешниот командант на руската паравоена формација „Вагнер“…
(Видео) Македонија во негатива против Норвешка: Лазаров…
Ракометарите на Македонија штотуку го завршија првото полуреме против…
(ФОТО) Ќе грми на трибини: Почнува натпреварот…
Македонија вечерва го започнува настапот на осмото…
Сагосен: За Македонија се подготвивме најдобро што…
Полска буди убави спомени кај норвешкиот машки…