Обвинителството на Босна и Херцеговина побара притвор министерот за државна безбедност Ненад Нешиќ

Обвинителството на Босна и Херцеговина до Судот на Босна и Херцеговина поднесе предлог за определување притвор за тројцата уапсени во акцијата „Тунел 2“, меѓу кои и министерот за државна безбедност Ненад Нешиќ.

„Обвинителството на Босна и Херцеговина, по сослушувањето на осомничените, во законскиот рок до Судот на Босна и Херцеговина достави предлог за определување мерка притвор за тројца осомничени, меѓу кои и првоосомничениот во случајот Нешиќ Ненад и други. се наведува во соопштението на Обвинителството на Босна и Херцеговина.

Осомничени за повеќе кривични дела. Тие се сомничат дека сториле кривични дела како управители на „Патишта на Република Српска“ и лица кои имале бизнис со таа фирма – здружување за извршување кривични дела, перење пари, злоупотреба на службената положба или овластување и примање мито.

Освен него, во акцијата во четвртокот беа уапсени и Милан Дакиќ и Младен Лучиќ, директорот на фирмата „Патишта на Република Српска“ и директорот на фирмата „Легенда“, која работеше со тоа јавно претпријатие.

Уапсен е и генералниот директор на „Романијапутев“, Мирко Пандуревиќ, како и Срѓан Мијатовиќ, извршниот директор за економско-финансиски работи на ЈП „Путеви РС“ и уште еден вработен во оваа компанија Младен Чајиќ.

Фена потсетува дека Нешиќ и други беа уапсени во оперативната акција „Тунел 2“ што ја спроведоа полициски службеници на Дирекцијата за организиран и сериозен криминал на МУП на Република Српска под надзор на Обвинителството на БиХ, а во соработка со полициските администрации на Бања Лука, Источно Сараево и Бјелина.

Share on Facebook

Tweet

Follow us

Save